DILI, STLTIMORLESTE.com – Prezidente Partidu FRETILIN, Francisco Guterres Lú Olo ho Sekretariu Jeral, Mari Alkatiri simu dokumentu husi kuadru rezistensia Sekretariu Politiku Permanente FRETILIN nian hodi halao apresiasaun.
Bainhira remata hasoru malu, eis Prezidente Republika atual Prezidente Partidu FRETILIN, Francisco Guterres Lú Olo ba jornalista sira iha Farol, Dili, Sesta nee (04/04/2025) hatete, ohin simu dokumentu husi kuadru rezistensia Sekretariu Politiku Permanente, neebe halao atividade iha tempu rezistensia nunee halao apresiasaun.
“Mai atu husu ami nia apresiasaun kona-ba dokumentu neebe rekolha sira hotu-hotu nia atividade, liu-liu Sekretariu Politiku Permanente FRETILIN nia atividade neebe halao iha tempu rezistensia, ohin sira lori dokumentu sira nee mai ami rua Sekretariu Jeral halao apresiasaun,” katak eis PR, Lú OLo.
Prezidente Partidu FRETILIN nee dehan, ohin membru sira lori dokumentu nee mai Prezidente Partidu ho Sekretariu Jeral atu halo apresiasaun, nunee iha oportunu sei hasae mos AMRT nia pedidu.
Iha fatin hanesan, Porta-voz, José Manuel Nakfila hatete, ohin sira mai halao enkontru ho Prezidente Partidu, nomos Sekretariu Jeral lori dokumentu hodi entrega ba lider nain rua hodi halao apresiasaun.
Porta-voz nee dehan, enkontru ida ohin nee mai husi maioria kuadru rezistensia nian neebe iha okupasaun Indonezia nian FRETILIN hamoris sede provizoriu ida iha klandestina nia leet, husi rezolusaun neebe altura neeba Prezidente Lú Olo hanesan Koordenador Konselhu ba FRETILIN, iha data 20 Agostu 1898.
“Ami mai atu hatoo ba ami nia lideransa kona-ba karta neebe ami simu husi AMRT Museum Rezistensia kona-ba kestaun lubuk ida, liu-liu oinsa hatene data ba estabelesimentu Sekretariu Politiku Permanente do Comite Central iha Taibesi, ami mai haree ba rezolusaun neebe mak Prezidente Partidu FRETILIN rasik hasai no asina, no ami lori dokumentu lubuk ida mai husu apresiasaun no aprovasaun husi Prezidente Partidu FRETILIN no Sekretariu Jeral liu-liu ba nomeasaun ema neebe atu hetan Muzeum rezistensia ho relasaun ho atividade neebe mak FRETILIN tempu neeba dezenvolve iha sede SPP CCF dembata Taibesi,” dehan Manuel.
(eme)
