DILI, STLTIMORLESTE.com – Eis Prezidente Republika atual Prezidente Partidu FRETILIN, Francisco Guterres Lu Olo hatoo parabens ba OMPT neebe selebra aniversariu ba dala 50, no fiar OPMT sai mata dalan ba jerasaun foun.
Eis Prezidente Republika atual Prezidente Partidu FRETILIN, Francisco Guterres Lu Olo hatoo kestaun nee liu husi nia mensajen iha selebrasaun aniversariu OMPT ba dala 50, bainhira presta omenajen kari aifunan iha tasi ibun ,Portu, Dili, Kinta (28/08/2025).
“Hau fiar metin katak tinan 50 neebe mak OPMT lai sei fo nafatin nia hanesan mata dalan ba jerasaun foun sira atu lao hamutuk nafatin hodi linerta ita nia povu iha momentu ida nee, obrigadu no parabens ba OPMT, parabens ba feto Timor Leste nian,” dehan Eis PR, Lu Olo.
Eis Prezidente Republika nee hatete, buiberes OPMT nian, buiberes militante FRETILIN nian, no kombatente libertasaun Nasional nian. Ohin hahu loron importante ida nee loron OPMT nian neebe kompleta dadauk tinan 50 ba OPMT nian ezistensia.
“Hodi komemora loron ida nee, hau hakarak atu diriji mensajen badak ida nee ba OPMT no liu husi OPMT ba feto timoroan hotu-hotu atu hatene katak halo mehi ona ho seklu maka OPMT halo nia jornada polítika ida neebe istoriku no klean tebes-tebes ho sentidu klean tebe-tebes. OPMT halo nia istoria la haketak ho istoia harii estadu, harii nasaun Timor Leste nian,” dehan nia.
Nunee nia dehan, hori neeba kedas bainhira OPMT moris hamutuk ho FRETILIN, OPMT defende nanis kedas direitus no Liberdade feto Timor Leste nian atu bele hamrik hamutuk ho nia maluk sira hodi liberta patria, liberta povu liu husi dalan Independensia total e Liberdade ba Timor-Leste nian. Tanba FRETILIN hanesan mos OPMT hatene nanis kedas katak Timor-Leste so bele liberta nia-ann bainhira liberta mos feto Timor Leste nian, sei la iha libertasaun feto nian, laiha mos Liberdade ba Timor-leste nee tomak.
Tanba FRETILIN ho OPMT lao hamutuk halo jornada hamutuk liu husi dalan sakrifisiu nian, liu husi dalan terus nian liu husi dalan mate ninian maibe, OPMT hamriik metin nafatin iha FRETILIN nia sorin hodi lao too iha nia rohan, OPMT nia luta liu husi frente oi-oin husi Frente Armada nian liu husi OPMT hamutuk ho nia garilheiro sira ho nia povu, partisipa diretamente iha polítika iha mobiliza masas ninian iha organizasaun massa nian, atu sira bele partisipa iha luta no hasoru okupasaun Militar Indonezia nian.
Frente Klandestina feto Timor Leste nian organiza liu husi orientasaun OPMT nian, sira lori mensajen husi Frente Armada ba Frente Diplomatika ba mos rejiaun ida ba fali rejiaun seluk, nunee mos feto iha Frente Klandestina brani teb-tebes hodi bele halo polítika iha frente Klandestina liu husi dalan ida neebe perigu teb-tebes maibe, sira infrenta nafatin.
Liu husi Frente Diplomatika feto Timor hatene diriji mensajen ba organizasoens Internasionais hanesan mos ba belun Timor Leste nian iha liur hodi nafatin hatutan luta povu Timor Leste nian ba Auto-determinsaun ba Independensia Timor Leste.
Realmente halo nia istoria ida nee ohin lororn ita iha nasaun ida livre no Independenti, hau fiar metin katak OPMT sei lao ba oin, OPMT ninia vizaun ne ba futuru Timor Leste nian maka defende nafatin Impoderamentu feto ninian nomos justisa sosial no igualdade entre feto ho mane para atu lori Timor-Leste hamutuk ho nia mane maluk sira.
“Hau fiar metin katak tinan-50 neebe maka OPMT lao sei fo nafatin nia hanesan mata dalan ba jerasaun foun sira, para atu lao hamutuk nafatin hodi liberta ita-nia povu iha momentu ida nee,”dehan Prezidente Partidu FRETILIN nee.
Jornalista: Emerenciana Pinto
Editora: Carme Ximenes
One Response
Konfuzaun oituan iha titulu mensiona “OMPT” depois iha kraik mos hakerek tan dala ida maibe tuir fali textu sira tuun mai kraik uza “OPMT”. Bele hadia ka esplika tanba mosu konfuzaun karik iha inisiu OMPT hafoin muda naran ba OPMT ka oinsa? Obrigadu barak.