DILI, STLTIMORLESTE.com – Ministeriu Administrasaun Estatal (MAE) liu husi Dirasaun Nasional Planiamentu Finansa Munisipiu mak sei organiza ho Diretor Finansas Munisipiu ho diretor relevante sira iha munisipiu, hodi bele fo formasaun ba direjente husi eskola sira.
Lia hirak nee hatoo husi Belchior Maria Almeida Barros hanesan Xefe Departamentu Programa Merenda Eskolar iha ME ba STL, Tersa nee (27/01/2026).
“Formasaun parte husi MAE liu jusi Dirasaun Nasional Planiamentu Finansa Munisipiu mak sei Organiza ho Diretor Finansas munisipiu ho diretor relevante sira iha munisipiu mak sei organiza formasaun ba direjente eskola sira, liu-liu oinsa maka atu jere programa merenda eskolar nee ho diak,” nia deklara.
Nia dehan, iha informasaun neebe iha katak, Ermera sei kontinua ho EJP husi primeiru trimestre nomos husi MunisÃpiu Baukau EJP muda ba grupu komunitariu no munisipiu seluk husi eskola mak sei jere programa nee.
Iha fatin seluk, Julio Sacadura nuudar Diretor Servisu Edukasaun MunisÃpiu Vikeke hatete, orientasaun katak merenda eskolar sei entrega ba eskola sira mak jere tuir desizaun ne’ebe PAM sira mak foti no iha ona matadalan ba eskola sira hodi lao tuir.
“Hau hanoin kona-ba orientasaun katak, merenda eskolar sei entrega ba eskola sira mak jere tuir desizaun ne’ebe PAM sira mak foti no iha ona matadalan ba eskola sira hodi lao tuir, tanba nee ita nian direjente husi eskola ida-idak halo tuir ida nee,” dehan nia.
(jac)
