DILI, STLTIMORLESTE.com – Ministru Administrasaun Estatal (MAE), Tomas Cabral hatete, Parlamentu Nasional nia servisu mak halo fiskalizasaun, laos haree ba Governu nia servisu.
Ministru Administrasaun Estatal, Tomas Cabral hatoo kestaun nee ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Kuarta (14/05/2025).
Ministru hatete, atu hili Prezidente Autoridade Munisipiu (PAM) Dili nee Governu nia servisu, oras nee prosesu lao hela.
“Parlamentu Nasional nia servisu nee halo fiskalizasaun, PAM nee Governu nia servisu neebe prosesu lao hela, tanba hodi bainhira PAM anterior sai tanba dehan sasan balun laiha sei iha auditoria neebe parlamentu nia servisu ba fiskalizasaun laos atu ba haree fali Governu nia servisu,” dehan Ministru.
Nia dehan, PAM Dili anterior sai tanba dehan iha sasan balun laiha sei iha Auditoriu, tanba nee husu Parlamentu Nasional halao servisu auditoriu atu hili PAM Dili nee Governu nia servisu.
“Ita iha mekanizmu atu lao ida nee, neebe ita boot dehan fali ba sira katak sei lao, Hand Over ba seluk tenke rezolve uma laran uluk, Parlamentu koalia tanba sira toman atu koalia,” katak nia.
Aleinde nee nia mai hatoo ba Prezidente Republika Jose Ramos Horta atu ba loke serimonia importante sira neebe sei halao hodi komemora 20 Maiu.
(eme)
