Mai Eskola Iha Dili, Tenke fo Deklarasaun Klaru

DILI, STLTIMORLESTE.com – Atu kontinua estudu sekundariu iha Munisipiu Dili, estudante sira tenke fo deklarasaun klaru ba parte eskola.

Kestaun nee hatoo husi Diretor Eskola Sekundariu Jeral 10 Dezembru Komoro, Manuel Verdial ba jornalista STL iha nia knaar fatin Komoro, Sesta (05/12/2025).

Nia katak, kada sala estudantes tenke prienxe 45.

“Ami apresia ho politika ida nee, atu nunee ita mos bele haree ba iha kualidade. Se kuandu ita nian estudantes mai husi munisipiu iha ezijensia ruma mai nee tanba saida, se mai tanba inan aman hela iha Dili ou se iha ema ruma responsabilidade ba ninia edukasaun, nee tenke fo deklarasaun neebe mak klaru mai iha eskola, nunee ita bele hatene,” nia tenik.

Tuir Manuel, estudantes neebe mak husi munisípiu atu mai kontinua estudu iha Dili nee tenke fo deklarasaun neebe lo-loos ba eskola, maibe sira nian preokupasaun mak nee, sala de aula limitadu. Se kuandu Dili deit mos limite hanesan ohin, nee duni ba oin tenke haree didiak ida nee.

Jornalista: Jacinta Sequeira
Editora: Domingas Gomes