BAUKAU , STLTIMORLESTE.com – Ministru Asuntu Kombatentes Libertasaun Nasional (MAKLN), Gil Oan Soru halao abertura segundu konferensia Konselhu Munisipal Kombatentes Libertasaun Nasional (KMKLN), iha Munisipiu Baukau.
“Hau nia prezensa iha Baukau halo abertura ba konferensia Munisipais ba segundu komferensia,” hateten Ministru Oan Soru ba jornalista sira, hafoin remata sesaun abertura segundu konferensia iha salaun sentru Konvensoens, Vila Antiga, Bankau, Segunda (11/08/2025).
Governante nee dehan,segundu kongresu Munisipal ba Konselhu Munisipal sira iha territoriu nasional, tuir loloos akontese iha tinan 2024, maibe kestuan servisu nunee halo estensaun ba Konselhu Kombatentes Libertasaun Nasional hodi akontese iha tinan 2025 nee.
Miabe segundu konferensia nee, Munisipiu Lautem no Vikeke termina ona no dadaun iha ona estrutura eleitu enkuantu Munisipiu Baukau hahu iha loron 11 too 12 Agostu nee hodi komfresista sira hili nia estrutura Konselhu Munisipal Kombatentes foun ba periodu tinan 5.
“Konferensia ida nee importante, tanba nee tuir lei mai husi estatutu Kombatentes Libertasaun Nasional artigu 35 numeru 01 no dekretu lei numeru 07/2018 neebe iha alterasaun ba dekretu lei 33/2024,” Oan Soru akresenta.
Iha fatin hanesan Prezidente KKLN, Vidal de Jesus “Riak Leman” informa, segundu kongresu Munisipal ba Konselhu Munisipal Kombatentes Libertasaun Nasional periodu nee hahu ona husi Munisipiu Lautem iha ona estrutura foun no Munisipiu Vikeke avansa ho estrutura tuan enkuantu Munisipiu Baukau sei iha prosesu laran no sei hatene rezultadu iha loron 12 Agosto nee.
Vidal reforsa, tuir lolos segundu komferensia Munisipal refere akontese iha tinan liu ba, maibe kestaun servisu, tanba nee extende too tinan 2025 nee.
“Tuir lolos ita nia komferensia nee ita halo iha 2024, tanba servisu ita extende ba 2025. Ami Nasional halo mini kongresu atu extende tan ami rona lia, tanba nee rai hela lia, rejistu 2009 seidauk remata todan liu 2003, agora 61 mil iha reklamasaun nia laran, hau husu estrutura atual sira nia servisu mak halo,” katak Vidal.
(tom)
