DILI, STLTIMORLESTE.com – Ministru Asuntu Kombatentes Libertasaun Nasional (MAKLN), Gil da Costa Monteiro Oan Soru konvoka reuniaun ho Prezidente Administrasaun Konselhu Kombatentes Libertasaun Nasional (KKLN), Vidal de Jesus Reak Leman no komisariu husi munisipiu sira, hodi diskute kona-ba dadus reklamasaun no kontestasaun neebe sei prolonga ba fulan ida.
Tuir MAKLN, Gil da Costa Monteiro Oan Soru katak, relasiona ho enkontru ohin hodi halo avalisaun ruma kona-ba 70 dias simu kontestasaun no reklamasaun neebe mak haruka mai husi munisipiu hotu-hotu no mos haree formas oinsa, tanba ami akompanha katak iha parte balu nia dokumentus seidauk mai hotu, entaun sei haree, maibe seidauk halo lisaun final ida atu fo sai ba publiku kona-ba estesaun tempu oituan tan, dala ruma estesaun tempu bazeia ba lei ka lae, sim iha lei, laos iha artigu 18 neebe baibain mensiona, maibe iha artigu seluk katak Governu iha kompetensia atu halo buat ruma enrelasaun ho atividade, iha buat balu neebe presiza Governu bele deside.
“Tanba nee, hanesan Ministru ho Sekretariu Estadu labele deside deit, maibe tenke konvoka reuniaun ida ho Administrasaun CCLN, Prezidente ho Vise Prezidente, iha desizaun ida atu fo prolongamentu ba reklamasaun nee too bainhira, sei prolonga ba reklamasaun fulan ida, nunee hahu aban loron 18 Marsu too 18 Abril 2025,” hatete MAKLN, Gil da Costa Monteiro Oan Soru ba jornalista sira iha Salaun Tres Marsu Maubai, Segunda nee (17/03/2025).
Nia dehan, agora kontestasaun no reklamasaun hamutuk rihun 30 husi teritoriu tomak, haree hela kona-ba dadus pendente sira neebe 2003 no 2005 nian iha, ami koko aruma dala ida para bele fo mos solusaun ba ida nee nian, tanba dadus nee kleur tebes-tebes, iha tempu liu ba kotuk reklamasaun no kontestasaun sira nee laiha prazu ida, laiha limitasaun ida no agora daudaun koko hakarak regulariza dala ida deit tuir regras, no artigu 18 hatete katak, regra mak ida nee, hotu-hotu tenke kumpri, ida nee mak agora daudaun reuniaun nunee apartir aban ba bele aplika ba publiku tomak.
Nia informa, ba nia prosesu agora tekniku sira servisu rame los, depois de servisu sei anunsiu sai ba publiku, maibe ohin temi nee rihun 30 resin kuandu inser hotu nee sei fahe ida nain hira mak rekere husi 3a7 ba 8a14, balu hakarak husi 8a14 hakarak ba 15a19, balu husi 15a19 ba 24, balu 0a3 hakarak ba 24 anos, hein inser hotu tiha sei fo sai ba publiku.
Nia dehan, agora Munisipiu Ermera mak konsidera barak hela, total iha tempu neeba rejistu primeiru 74 mil, agora daudaun deside tiha hotu, tanba iha 4 mil ital mak iha baze de dadus, maibe sei iha dadus fiziku iha hela komisariu sira nia liman, orsida ami halo dizilizasaun hotu rekolha tau baze de dadus sei anunsiu ba publiku.
(joa)
