DILI, STLTIMORLESTE.com – Ministru Asuntu Kombatente Libertasaun Nasional (MAKLN), Gil da Costa “Oan Soru” hatete, MAKLN simu ona reklamasaun ba dadus veteranu hamutuk rihun 8.
“Agora entre numeru nee ami sei prepara hatama ba baze dadus mak ami foin haree, total hira mak reklama atu hapara no hasai,” hatete Ministru Oan Soru ba jornalista sira iha Palasiu Governu, Kuarta (19/02/2025).
Governante nee afirma, MAKLN seidauk bele halo verifikasaun, tanba Munisipiu Baukau ho Munisipiu Ermera seidauk aprezenta lista reklamasaun.
“Agora nee foin iha loron 30, neebe ami sei hein keixa sira nee mai hotu, mais por enkuantu agora daudaun nee tekniku sira baze dadus halo hela servisu para aban bainrua ami bele fo sai ba publiku nee ho dadus neebe difinitivu,” dehan governante nee.
(alb)
