DILI, STLTIMORLESTE.com – Ministeriu Edukasaun (ME) husu inspetor eskolar sira identifika eskola neebe manipula dadus konsesaun, tanba nee korupsaun.
Liafuan nee haktuir husi Sekretariu Estadu Ensinu Sekundáriu Jeral no Ensinu Sekundáriu Tekniku Vokasional, Domingos Lopes Lemos ba jornalista liu husi diskursu iha sentru impresaun Komoro, Sesta (17/10/2025).
Nia dehan, tenke atensaun ba lista estudantes finalista sira iha kada eskola nian, neebe mak ohin kordenador kurrikulu nian iha ninia lista nee ba katak, lista sae no tinan nee tun, maibe dadus konsesaun nee sae no dadus ezame nee tun, nee mak problema.
“Ita tenke atensaun maka lista estudantes finalista Sira iha kada eskola nian, neebe mak ohin kordenador kurrikulu nian iha ninia lista nee ba katak, lista sae no tinan nee tun, maibe dadus konsesaun nee sae, no dadus ezame nee tun, nee mak problema. Diretor no Superintendente sira imi servisu makas uituan ba, dadus konsesaun sae no dadus ezame tun. Signifika katak, dadus sae tanba dineiru, dadus tun tanba realidade, neebe presiza atensaun ba ida nee. Ita labele halimar ho dadus, nee korupsau. Identifika sira neebe maka manipula dadus nee, diak liu hasai tiha direitor eskola nee, duke halo naran foer ME, ita boot sira identifika,” nia dehan.
Nia dehan, dala barak dehan kartu nee tau iha bolsu no labele tau iha fuan para hasai tiha nia stres strok kona labele, tau iha bolsu deit, neebe superintdente sira haruka inspektor sira ba iha eskola sira check ida-ida, tanba saida lista iha konsesaun eskolar lista nee aas, ezame nasional la realidade akontese nee.
“Eskola balun iha Dili laran nee, estudantes sira too ezame mak foin ba eskola, fo tiha US$ 50 estudantes barak los, maibe loron baibain estudantes laiha, ita laos kesar kuantidade, ita la presiza kuantidade, maibe ita hakarak kualidade hanorin labarik, ita nian oan sira hakarak kualidade,” nia esplika..
Jornalista: Jacinta Sequeira
Editora: Domingas Gomes
