DILI, STLTIMORLESTE.com – Membru Parlamentu Nasional (PN) liu husi Bankada Kongresu Nasional Rekunstrusaun Timorense (CNRT) husu Ministeriu Agrikultura Pikuaria Peska no Floresta (MAPPF) atu sosa traktor no hadia irigasaun ba agrikultores iha teritoriu laran, nunee ba oin bele hasae produsaun hare iha rai laran.
“Laos iha Natarbora deit, maibe iha teritoriu lara hotu, ita bele dehan katak, iha fatin barak neebe mak presiza tebes-tebes governu nia atensaun ba fatin potensial atu halo tos natar, nunee ba oin bele hasae produsaun hodi bele responde ba merkadu,” hatete Deputadu Bankada CNRT, Ricardo Baptista ba jornalista sira iha resintu PN, Tersa (05/11/2024).
MAPPF tuir Deputadu nee katak, tenki identifika fatin sira neebe presiza governu nia atensaun hodi preve orsamentu atu sosa traktor no hadia irigasaun sira hodi fornese bee ba natar sira, tanba atu hasae produsaun hare iha teritoriu laran mak presiza hadia kondisoens ba agrikultores sira.
(alb)
