DILI, STLTIMORLESTE.com – Iha tempu kuarezma Maromak konvida nia povu idak-idak atu hakribi sala, husik buat aat tomak no fila fali ba dalan los tuir Maromak nia hanorin sira.
Lia hirak nee hatoo husi Padre Richardo Pasang, SVD ba STL liu husi nia refleksaun Kuartu (04/03/2026) hatete, leitura dahuluk Isaías 1:10, 16-20 Maromak bolu nia povu atu arrepende no fila fali ba Nia, husik buat aat no halo buat diak. Nia hakarak sira atu buka justisa no defende ema fraku sira nia direitu.
Leitura Evanjelhu Mateus 23:1-12 Jesus kritika eskriba no farizeu sira tanba sira la pratika buat neebé sira haklaken. Nia sublina importansia husi armonia entre liafuan no hahalok.
“Reflesaun, dala barak ita monu ba lasu ipokrizia nian, hanorin maibe la pratika. Maromak hakarak ita atu sai ema onestu no justu neebe pratika Ninia domin no justisa. Mai ita ezamina ita nia an no arepende, atu ita bele sai sasin ba Maromak nia domin iha mundu ida nee,” dehan Padre.
Padre hatutan durante nee ema bele halo ona refleksaun ba aan kalae? Husi hahalok loron loron nia, husi refleta aan husi hahalok aat sira ba diak.
“Pergunta sira atu reflete? Hau pratika ona buat neebe hau haklaken? Oinsa hau bele aumenta armonia entre liafuan no hahalok sira? Saida mak hau bele halo atu sai sasin ba Maromak nia domin iha mundu nee? Katak Padre.
Padre dehan, ho tempu kuaresma ida konvida ema idak idak hodi halo refleksaun ba nia aan rasik nunee bele husik hahalok aat neebe durante nee halo hodi muda ba hahalok diak, no presiza perdua, karidade no jejun.
Husi Leitura sira Maromak konvida ema hotu hotu atu muda hahalok aat hotu hodi muda ba hahalok diak, hodi moris tuir ukun fuan sira neebe mak nain Maromak hanorin ba nia ema.
(eme)
