DILI, STLTIMORLESTE.com – Maromak mak hun ba buat hotu, nia sempre hadomi ema hotu laiha bareira ba se deit neebe tau fiar iha Kristu.
Kestaun nee hatoo husi Padre Richardo Pasang SVD, liu husi nia reflesaun diaria Segunda (05/01/2025) hatete, maski ema sala nain maibe Maromak nunka husik, nafatin hadomi bainhira ema hakribi nia sala hodi moris tuir fali Maromak nia ukun fuan sira.
Tanba nee Maromak sempre hadomi ema hotu no nia domin laiha limita ba se deit neebe buka hakribi nia sala hodi moris fali dalan neebe los.
“Maromak nia domin laiha limite. Maromak nia domin ultrapasa barreira sira neebe ema halo iha ita nia moris hamutuk. Nia la hadomi ema no fatin sira neebe konsidera popular iha vida relijioza, maibe Nia mos hadomi sira hotu neebe iha fatin konsidera jentiu, sala-nain, no moris iha nakukun laran hanesan Cafarnaum, Maski ita-nia sala no sala sira boot oinsa, Maromak nafatin hadomi ita. Mai ita hela iha Nia domin no halo tuir Nia ukun fuan sira,” dehan Padre Richardo.
Padre nee hatutan, ema lases husi sala, maibe presiza halo refleksaun ba ida-idak nia aan liu husi halo refleksaun no hakribi sala hodi moris tuir fali nai Maromak nia hakarak, se bainhira lao sala dalan maibe hakribi sala Jesus sei perdua tanba Maromak nia domin laiha limita ba nia ema neebe buka nia.
Masku ema hotu iha atividade oin oin maibe keta haluha Maromak iha nia moris liu husi ba misa no reza hodi husu Jesus nia akompanhamentu, tanba Maromak mak hun no rohan.
Labele tau prioridade ba sasan mundu nia hodi haluha Maromak, tanba sasan Mundu provizoria deit, presiza prepara aan ho fuan mos, prepara klamar hodi moris tuir nai Maromak nia hakarak no hanorin sira
Tanba nee tau Maromak primeiru iha ema nia moris, depois mak halo atividade hotu, se hanoin deit sasan mundu nia haluha Maromak moris sei laiha maduru masku iha sasan oin oin.
Tanba nee husu ema idak idak nafatin lao tuir ukun fuan Maromak nia, buka hakribi sala hadomi malu, respeita malu nunee moris iha dame iha Familia, sosiedade no nasaun.
Jornalista: Emerenciana Pinto
Editora: Carme Ximenes
