DILI, STLTIMORLESTE.com – Ministru Asuntu Kombatente Libertasaun Nasional (MACLN – sigla portugues), Gil Oan Soru hatete, Saudozu Maucalo Komandante diak ida iha prosesu luta ba libertasaun nasional.
Nia dehan, kona-ba Komandante Maucalo, nia komandante diak iha prosesu luta ba libertasaun nasional, no agora dadaun nia sei ativu hela iha Instituitusaun F-FDTL hanesan Coronel.
Mate nee laiha ida ses, dala ruma mate nee mak ninin no rohan ba ema moris, neebe realidade mak ida nee.
“Hanesan membru governu nomos kolega iha funu ida nee, hakarak lori hau nia naran rasik, Ministeriu ida nee inklui veteranus sira nia naran hatoo ami nia sentidu kondelensia no fo nafatin korajen ba família sira,” dehan Gil Oan Soru ba jornalista sira iha nia knaar fatin Komoro, Tersa (15/10/2024).
Governante nee dehan, hein katak aban nia mate isin sei too iha nee, kuandu too iha aeroportu sei simu husi F-FDTL sira no lori ba nia rezidensia, hanesan ministeriu nia dever mak sei responsabiliza ba prepara fatin hodi haloot ba tempu ikus nian iha Jardim dos erois Metinaru.
Nia akresenta, preparasaun agora lao hela, aban nia sei too iha nee hodi halo koordenasaunl tanba nia uma lisan no moris fatin iha Vikeke.
Nia hatete, kona-ba asuntu saúde nee laos veteranus deit, maibe ba povu tomak, karik atu koalia espesifikamenente ba veteranus.
“Loos duni veteranus mesak ema terseira idade, dala ruma ita bele konsumu aimoruk maibe destinu ema ida la espera, ita kuandu ba doutor sira hit liman ona nee baibain, tanba nee ema ida labele ses husi nee,” dehan nia.
Nia haktuir, Saudozu Maucalo durante nee estadu no governu kondekora ona ordem Timor Leste, pensaun mos simu ona, neebe hirak nee prosesu lao ona.
(mar)
