DILI, STLTIMORLESTE.com – Governu liu husu Ministeriu Defeza (MD) sei aprezenta dekretu Lei kona-ba valoriza veteranu ho dignu iha nasaun Republika Demokratika Timor Leste (RDTL).
Ministru Defeza, Donaciano do Rosário Gomes “Pedro Klamar Fuik” hatete, sei aprezenta dekretu lei kona-ba valorizasaun veteranu ho dignidade no justisa ba Konselhu Ministru (KM) semana oin. Proposta dekretu lei nee hamosu halo retiru hamutuk ho Militar Reformadu no Militar ativu, neebe sei iha FALINTIL – Forsa Defeza Timor Leste ( F-FDTL).
Nia esplika, provavelmente proposta dekretu lei nee sei lori ba diskuti iha Konselhu Ministru iha semana oin, tanba proposta nee ho inisiativa atu realiza objetivu Governu oinsa valoriza veteranu sira ho dignidade no justisa, nunee wainhira militar veteranu sira neebe sei ativu iha Instutisaun F-FDTL mak pasa ba reforma sei hetan direitu miliar nuudar iha instutisaun moderana ida.
“Sira neebe mak ohin ami koalia barak liu militar veteranu ativu iha Instutisaun F-FDTL, entaun sira prepara ba reforma, pensaun saida mak sira iha, subsídiu saida mak sira iha, kondisaun saida mak sira iha,” hatete Ministru Donaciano do Rosário Gomes “Pedro Klamar Fuik” ba jornalista sira iha Sentru Internamentu, Nicolau Lobato, Metinaro, Sesta (07/03/2025).
Nia informa, iha dekretu lei nee mos perepara atu haree wanhira mak sira bele simu no sira neebe mak reformadu tiha ona, maibe la branze iha situasaun aktual kona-ba subsídiu nee, oinsa mak sira bele hetan.
Governante nee hatutan, militar veteranu neebe ativu hela iha Instituisaun F-FDTL hamutuk atus ida resin, depois prosesu dezenvolvimentu forsa sira balu mate no balu hela.
wainhira implementa programa reforma ba militar ativu hirak nee, Ministeriu Defeza ho Komando F-FDTL sei halo kontinua rekrutamentu ba kadetes foun tuir lei programasaun militar hodi substitui militar reformadu sira.
Iha fatin haneaan, Eis Militar Antonio Soares “Tatamailau” Informa, Ministeriu Defeza haree mos veteranu sira nia preokupasaun, tanba miliar sira neebe sei ativu no militar reformadu sira nia kondisaun seidauk diak.
“Ita espera katak, ita nia Ministru Defeza sei aprezenta dekretu lei kona-ba kondisaun veteranu ninia iha Konselhu Ministru, tanba ita haree moris kondisaun veteranu nee seidauk diak, sei kontinua terus, balu subsidiu seidauk sai, balu moras estadu la tau matan, hiraj nee hotu governu ida nee tenke tau matan duni ba veteranu sira,” nia afirma.
(jen)
