DILI, STLTIMORLESTE.com – Governu liu husi Ministeriu Defeza (MD) halo planeia hodi halo Dikertu Lei ida fo oportunidade ba setor privadu sira halo akizasaun ba fsilidade armamentu militar nian iha futuru.
Nia dehan, durante nee akizisaun ba fasilidade militar, liu-liu ba armamentu militar nee Ministeriu Defeza mak halo akizisaun direta ba meu militar sira nee, tanba nee hanesan Ministru Defeza liu husi Diresaun Lejisaun Ministeriu Defeza sei halo diskusaun nunee inisia lei ida ho naran “lei para estabelese sosiedade de investimentu de rekursu para fo biban ba setor privadu atu bele kontrola, atu bele halo akizisaun hotu-hotu ba meus militares.
“Forsa armada mos iha ona previlejiu ida ita dezenvolve ona ita nia dekretu lei para estabelese sosiedade de investimentu de rekursu para fo biban ba setor privadu atu bele kontrola, atu bele halo akizisaun hotu-hotu ba meus militares hotu-hotu mas dekretu lei ida nee presiza haree iha Konselhu Ministru no sei akontese loron ida,” hatete Ministru Defeza Kontra Almirante Donaciano da Costa Gomes “Pedro Klamar Fuik” ba jornalista sira iha Kuartel Jenerál F-FDTL, Fatuhada, Dili, Sesta (04/07/2025).
Nia tenik, dekretu lei ida nee fo oportunudade ba organizasaun instituisaun Estadu nian bele fo konfiansa ida ba setor privadu sira para bele halo akizasaun ba iha meus neebe mak atu utilizador final militar sira utiliza no utiliza ho kualifikasaun.
“Laos Miisteriu Defeza mak tenke halo prosesu de akizisaun sira nee diretu, maibe ho dekretu lei nee tenke liu husi institutu ida liu husi organizasaun intermediariu ida, neebe ita bolu sosiedade de investimentu da rekursu da defeza, ida nee futuramente sei konstrui no sei dezenvolve i sei haree asuntu hotu-hotu neebe mak relasiona ho forsa armada ninia, nesesidade liu- liu ekipamentus i rekursu hotu, meus hotu-hotu neebe mak militar sira presiza”, nia esplika.
Nia informa, desizaun sira nee nuudar planu Ministeriu Defeza, nunee husi Miisteriu Defeza tenke apoia planu nee maibe atu alkasa ida nee presiza iha domina ba instituisaun para bele halo desizaun, maske iha kustu neebe boot, maibe ba benefiu ema barak nian.
“Kuandu ami sira nee pasa ba reforma husik hela instituisaun ida diak, instituisaun ida konfiansa ba Estadu ba nasaun ba povu”, nia afirma.
(jen)
