DILI, STLTIMORLESTE.com – Ministra Edukasaun (ME), Dulce de Jesus Soares aprezenta rezultadu ezame nasionál tinan 2024 ba Primeiru Ministru (PM), Kay Rala Xanana Gusmão molok anunsia ba públiku.
Aprezenta rezultadu Ezame Nasional nee, Ministra Edukasaun Dulce de Jesus Soares katak, ekipa haksolok tanba hetan apresiasaun husi Xefi Governu no enkoraza atu servisu makaas liu-liu halo análiza bá dadus no valór estudante sira nian, haree mós posibilidade formasaun neebé presiza fó bá profesór sira, hodi hadia diak liu tán prosesu aprendizazen iha Timor Leste (TL).
“Ami orgulhu tebes, tanba bele hetan apresiasaun diak husi PM, ita haree katak, prosesu aprendizajen iha mudansa signifikativu liu-liu profesór no estudante sira”, katak ME, Dulce de Jesus Soares ba jornalista sira, bainhira halao enkontru ho PM, Xanana Gusmão, iha Palasiu Governu, Sesta (13/12/2024).
Governante nee dehan, husi apresiasaun nee, fo esperansa ida ba ME katak, intervensaun balun neebé halo fó duni impaktu diak.
Bainhira aprezenta bá Xefi Governu, ekipa kontinua kedan halo anunsiu ofisialmente bá rezultadu ezame nasionál.
(jac)
