DILI, STLTIMORLESTE.com – Ministeriu Edukasaun (ME) halo avaliasaun ba kompanhia neebe halo hela konstrusaun eskola 3 mak hanesan Eskola Cafe Likisa, Ainaro no Eskola Sekundariu Jeral 5 de Maio Becora.
Ministra Edukasaun, Dulce de Jesus Soares katak, konstruksaun Eskola Cafe Liquica no Ainaro, nunee mos Eskola Sekundariu 5 de Maio, iha hela prosesu neebe Ministeriu halo avaliasaun ba sira nian kontratu sira. Legalmente sei haree katak, kompania sira nee husi sira nian kontratu presentajen hira mak lao ona, sira priense kriteria ka lae, selae tuir lei aprovizionamentu sei halo fali prosesu ida. Maioria projetu tinan 2024 nian kuaze konklui ona provolta 50 resin sala de aula. Agora prosesu neebe iha 2025, garante katak iha 2025 provolta 14 projetu neebe oras nee dadaun iha andamentu.
“Bainhira kompania ida implementa projetu iha ME, ita servisu ho sira nee iha regras, nia la hotu presentajen hira, saida mak tuir lei medida saida mak tenke foti ba kompania ida neebe karik la halao ninia responsabilidade, tanba nee iha kazu eskola 5 de Maio prosesu legal lao hela. Normalmente ita haree katak, tuir kontratu nia la priense ona rekezitus ka responsabilidade neebe nia halo tuir kontratu,” afirma Ministra Dulce ba jornalista iha EBC Fatumeta, Kinta (02/10/2025).
Nia afirma, Ministeriu foti medida seluk atu haree fila fali dalan saida tuir aprovizionamentu, no tuir lei aprovizionamentu atu bele haree prosesu nee ba oin, maibe tekniku husi ME. Nunee mos ho ADN tenke haree katak, los duni la priense rekezitus ou responsabilidade tuir kontratu neebe iha. Tuir lolos iha kontratu dehan, iha fulan hanesan nee tenke halo ona presentajen hanesan nee, nee iha prosesu legal no iha aprovizionamentu.
Jornalista: Jacinta Sequeira
Editora: Domingas Gomes
