BAUKAU, STLTIMORLESTE.com – Ministeriu Edukasaun (ME), dirije serimonia proklamasaun unilateral independensia Republika Demokratika Timor Leste (RDTL) ba dala 49, iha Munisipiu Baukau.
Ministra Edukasaun, Dulce de Jesus esplika, dirije serimonia isar bandeira iha ambitu selebrasaun loron proklamasaun unilateral independensia ba dala 49, iha Munisipiu Baukau, tanba hetan orientasaun husi Primeiru Ministru, Kay Rala Xanana Gusmão.
“Serimonia isar da bandeira iha Baukau lao furak tebes-tebes, ita hein katak husi serimonia ida nee bele fo liu tan forsa no korajen pas hanesan mensajen husi Prezidente nian neebe mak toka barak liu kona-ba pas,” hateten nia ba jornalista sira iha resintu Administrasaun Baukau hafoin remata serimonia isar da bandeiraiha Baukau, Kinta (28/11/2024).
Nia sublina, serimonia isar bandeira refere atu fo omenajen Onra no Gloria ba Eroi sira neebe sakrifika aan ba luta libertasaun patria.
Nia fundamenta, nuudar jerasaun kontinuador prezisa unidade kria pas hodi prienxe dezenvolvimentu iha prosesu ukun aan tuir Eroi no eroina sira nia hakarak.
(EST 2)
