DILI, STLTIMORLESTE.com – Tinan nee Ministeriu Edukasaun (ME) distribui ona kaderneta eskolar 40.000 ba Ensinu Sekundariu Jeral (ESJ) no Ensinu Baziku 90.000.
Koordenador Gabinte Unidade Kurikulu Nasional iha ME, João Maupelu dehan, kaderneta agora distribui hotu ona, karik eskola balun sei menus ME hein relatóriu mai husi eskola ida-idak. Ministeriu seidauk iha lista serteza, tanba eskola neebe kaderneta la too fo pedidu mai para bele rekolha hamutuk.
“Ita halo distribuisaun kaderneta nee dala rua, ida 90,000 no ida seluk 40,000. Ba ita nian ensinu sekundariu jeral mak 40,000, ba ita nian ensinu baziku kuaze 90,000, hamutuk 130,000 mak ita halo ona distribuisaun iha tinan ida nee,”tenik nia ba STL, Kinta (11/09/2025).
João dehan, kaderneta eskolar neebe tinan nee imprimi, ME halo distribuisaun hotu ona ba iha eskola sira.
Jornalista: Jacinta Sequeira
Editora: Domingas Gomes
