DILI, STLTIMORLESTE.com – Ministeriu Edukasaun (ME) fo informasaun ba Diretor Servisu Edukasaun Munisípiu sira, hodi bele bele fahe informasaun ba dirijente eskola idak-idak.
Haktuir Belchior Maria Almeida Barros hanesan Xefe Departamentu Programa Merenda Eskolar iha ME ba STL, Kinta nee (08/01/2026).
“Hau hanoin kona-ba atu fo informasaun ba dirijente eskola sira nee, nee nivel munisipiu idak-idak mak Ministeriu fo informasaun liu husi Diretor Edukasaun Munisipiu sira mak fahe informasaun nee ba dirijente eskola sira iha munisipiu idak-idak mak halao, tanba sira halao enkontru hotu ona ho ita nian dirijente husi eskola sira, fo ona orientasaun ba eskola sira atu bele lao tuir dekretu governu nu. 3, tanba nee Diretor SEM sira mak sei halo koordenasaun ho Diretor husi eskola ida-idak nian, ho nunee bele lao tuir dekretu governu,” nia hatutan.
Nia dehan, nee hanesan informasaun neebe husi Diretor SEM ba Diretor eskola no gabinete apoiu tekniku (GAT) sira atu nunee bele hatene diak liu tan lalaok implementasaun programa merenda eskolar neebe mak lao iha eskola sira.
Nunee mos Diretor Servisu Edukasaun Munisípiu Manatuto, Patricio da Cruz Quintão dehan, informasaun ida atu fahe ba Diretor eskola sira nee sira simu kleur ona husi Ministériu Edukasaun, liu-liu oinsa mak atu jere programa merenda eskolar nee lao diak iha eskola sira, maibe informasaun ida nee too agora sira seidauk hatoo ba iha parte dirijente husi eskola ida-idak.
“Informasaun ida atu fahe ba ita nian Diretor eskola sira nee sira simu kleur ona husi Ministériu Edukasaun, liu-liu oinsa mak atu jere programa merenda eskolar nee lao diak iha eskola sira, maibe informasaun ida nee too agora sira seidauk hatoo ba iha parte dirijente husi eskola ida-idak,” tenik nia.
Nunee mos Diretor Servisu Edukasaun Munisipiu Likisa, Julio da Silva hatete, too agora programa merenda eskolar seidauk lao iha eskola sira no tinan kotuk nee lao diak hela, ba tinan nee seidauk lao.
Reportajen: Jacinta Sequeira
