DILI, STLTIMORLESTE.com – Kargu Xefia Sesante konsidera Ministeriu Edukasaun (ME) halo diskriminasaun ba sira nian subsidiu kargu sesante ninia.
Lamentasaun nee hatoo husi Eis Adjuntu Diretor Eskola Sekundariu Jeral no 4 Setembru Balide, Alexandre da Costa belo ba STL iha nia knaar fatin Balide, Segunda nee (09/12/2024).
“Ami sente hanesan hetan diskriminasaun husi Ministeriu Edukasaun, tanba sira neebe foin asumi nee, balu neebe seidauk tama servisu simu salariu kargu xefia nia kompara ho ami neebe servisu tinan ida resin, ekipa neebe halo diskriminasaun ami sesante sira. Tuir sira dehan governu anterior la tau osan neebe sei aprezenta orsamentu 2025, maibe sira foun nee foin asumi loron simu kedas osan,” nia afirma.
Nia hatutan, entaun osan nebe sira simu nee mai husi neebe no sai pontu interrogativu mai sira sesante sira, tanba too agora osan ida nee seidauk tama no hein fali tinan oin mak tama karik, neebe sira hein deit.
Hatan ba asuntu nee, Diretora Rekursu Umanu iha ME, Anita Tavares Ribeiro de Jesus dehan, selu tiha mak koalia, agora labele koalia, tanba seidauk halo pagamentu ba sira, tanba konforme osan, maibe agora sei halo hela prosesu.
(jac)
