DILI, STLTIMORLESTE.com – Ministeriu Edukasaun (ME) liu husi Sekretariu Estadu Ensinu Sekundariu Jeral no Ensinu Sekundariu Tekniku Vokasional, Domingos Lopes Lemos hasoru malu ho Reitor husi Universidade UPN Jogjakarta, hodi koalia kona-ba assuntu kooperasaun iha futuru.
“Iha momentu ida nee vizita husi Reitor Universidade UNP Jogjakarta mai ho nian Visi Reitor ho pontu vokal, para ita koalia oituan prosesu neebe mak agora daudaun universidade veteranus Jakarta iha, sira mos mai ho sira nian brosur balun iha nee. Brosur sira nee koalia kona-ba sira nian departamentu husi universidade sira iha, neebe mak relevansia ho ita nian kondisaun iha ita nian rai, iha faze agora daudaun,” afirma Domingos ba jornalista iha sala VIP ME, Kinta nee (24/10/2024).
Nia dehan, karik Timoroan sira iha inisiativa hakarak ba eskola iha sira nian universidade, seidauk hatene los katak, bainhira mak ba no estudantes nain hira mak atu ba, maibe iha faze de hasoru malu ohin atu loke hela dalan ba Timoroan sira, atu nunee bele kontinua sira nian estudu iha sira nian universidade, neebe daudaun nee hasoru malu ona ho sra.
Iha fatin hanesan, Reitor Universidade UPN Jogjakarta, Mohamad Irhas Effendi hatete, ohin hasoru malu ho ME hodi koalia kona-ba assuntu kooperasaun servisu entre Universidade UPN Jogjakarta ho Timor Leste, no Timoroan neebe mak hakarak kontinua sira nian estudu iha universidade refere.
(jac)
