DILI, STLTIMORLESTE.com – Ministeriu Edukasaun (ME) primeira vez hetan vizita husi Sekolah Tinggi Pastoral Keuskupan Kupang.
Haktuir Ministra Edukasaun (ME), Dulce de Jesus Soares ba jornalista sira iha sala VIP ME, Vila Verde, Sesta nee (25/04/2025).
“Ohin ME hetan vizita ida husi Sekolah Tinggi Pastoral Keuskupan Kupang, sekolah tinggi nee sira laos primeira mai iha TL, maibe halao ona servisu ho eskola tekniku vokasional Salele, iha Munisipiu Kovalima. Agora daudaun iha estudantes Timoroan nain tolu mak eskola iha Sekola Tinggi Kupang, depois sekolah tinggi nee mos halo ona kooperasaun ho seminariu Balide, iha profesor sira husi neeba mai halo KKN iha nee, nomos ajuda sentru kultura Indonezia nian iha TL neebe iha Embaixada Indonezia nian okos, halo preparasaun lingua Melayu ba Timoroan neebe hetan bolsu estudu ba eskola iha Indonezia,” katak ME, Dulce.
Dulce dehan, ohin mai iha nee posibilidade saida mak ME bele servisu hamutuk ho Sekolah Tinggi Pastoral Kupang atu haree extended liu tan kooperasaun neebe iha, ohin seidauk desidi buat ida,.maibe padre sira mai iha nee atu esplika deit sira nian area servisu no ME sira sei tetu fila-fali atu haree, liu husi espriensia servisu ho eskola Salele nee, kooperasaun maioria liu husi igreja.
“Primeira vez mai enkontru ho governu atu haree katak, karik iha posibilidade ruma halo kooperasaun ho governu. Ami seidauk rekomenda buat ida, tanba ida nee sei enkontru inisial tebes-tebes atu rona husi parte ME nian no rona husi parte Sekolah Ringgi Pastoral Kupang,” dehan nia.
(jac)
