DILI, STLTIMORLESTE.com – Ministeriu Edukasaun (ME) identifika ona profesores moras prelongada hamutuk 258, neebe identifika iha munisipiu.
Kestaun nee hatoo husi Diretor Nasional Rekursu Umanu iha MinisteriuEdukasaun, João Amaral ba jornalista STL iha nia knaar fatin Vila Verde, Kinta nee (07/08/2025).
“Identifika Profesores Moras Prelongada iha Munisipiu Manufahi remata tiha ona, agora kontinua ba fali Munisipiu Covalima, Manufahi ninia ami identifika nain 18, nee identifika durante loron tolu, Domingu sei aranka ba Covalima, depois ba Munisipiu Ainaro. Total jeral nee ita iha 258, ninia prosesu mak ita ba verifika hotu, depois sira oferese dokumentus mai ita halo ona prosesu ba komisaun ba fali INSS, bele hodi hasai desizaun reforma moras prelongada ba sira,” nia esplika.
Nia dehan, 258 nee total jeral neebe mak identifika bazeia ba relatóriu husi munisipiu katak, profesor por munisipiu neebe mak ho kondisaun moras labele hanorin ona estudantes sira iha eskola, nee total jeral mak nee por munisipiu, nee mak hanesan Munisipiu Aileu 11, Ainaro 8, Baukau 39, Bobonaro 29, Covalima 27, Dili 55, Ermera 3, Lautem 3, Likisa 25, Manatuto 16, Manufahi 18, RAEOA 6, Vikeke 9 hetan konhesimentu kona-ba pedolojia sira nee.
(jac)
