DILI, STLTIMORLESTE.com – Ministrriu Edukasaun (ME) hahu imprimi ona pontus ezame nasional iha 8 Setembru no sei remata iha 17 Outubru tinan nee, hodi bele halo distribuisaun.
Tuir Koordenador Gabinete Unidade Kurikulu Nasional iha ME, João Maupelu dehan, pontus ezame nee hahu imprimi ona iha sentru impresaun Komoro.
“Ita hahu imprimi iha loron Segunda, 8 fulan nee, ita nian imprisaun ba pontus ezame nee sei remata iha loron 17 Outubru tinan ida nee. Bainhira remata ita hahu halo distribuisaun ba eskola, dia 18 Outubru ita halo distribuisaun pontus ezame nasional,” dehan ba STL, Kuarta (10/09/2025).
Joao dehan, loron 20 fulan Outubru tinan nee estudantes finalista sira hotu iha teritoriu laran tomak sei partisipa iha ezame nasional. Ezame nasional ba finalista sekundariu nee loron 4, ensinu baziku mak loron 3.
“Ita sei ajusta agora 5000 resin dadus estudantes finalista nee tama hotu ona, maibe ita sei verifika halo didiak. Dadus neebe ohin mensiona nee kompostu husi nibel ensinu baziku, sekundariu no tekvo,” katak nia.
Jornalista: Jacinta Sequeira
Editora: Domingas Gomes
