DILI, STLTIMORLESTE.com – Kolokasaun profesores faze segundu, Ministériu Edukasaun (ME) koloka tan profesores nain 2 ba iha Ensinu Baziku Sentral (EBC – sigla português) Fatumeta.
“Iha primeiru faze ami la hetan profesores, maibe iha faze daruak ninia nee mak ami simu ita nian profesores nain 2, neebe mak husi ita nian ME koloka mai iha ami nian eskola, tanba ami mos sei presiza tan profesores, maibe ida nee depende husi planu ministeriu nian,” dehan Adjunta Diretora EBC Fatumeta, Silvina da Silva Pacheco ba STL iha nia knaar fatin Fatumeta, Segunda nee (21/10/2024).
Nia hatete, rekrutamentu ba bolsa kandidatu profesores husi ME nee, para bele koloka profesores ba eskola neebe too agora sei menus profesores, tanba nee agradese ba ME, tanba iha faze daruak nee bele koloka ona profesores nain 2 ba iha sira nian eskola.
Nia espera katak, ho rekrutamentu nee bele aumenta tan profesores iha eskola sira neebé sei menus profesor.
(jac)
