DILI, STLTIMORLESTE.com – Ministeriu Edukasaun (ME) kada loron kontinua halo atendimentu ba ema neebe mak legaliza diploma nivel sekundariu.
Diretor Nasional Ensinu Sekundariu iha ME, Benjamin Gomes da Cruz Fernandes hatete, atendimentu ba legalizasaun diploma nee loron-loron kontinua halo hela.
“Ami nian atendimentu kada loron ba ema neebe halo legaliza diploma nee laiha limitasaun, so ami nian kriteria mak bainhira ema mai legaliza diploma nee tenke hatudu mos diploma orijinal mai ami, se lae ami la legaliza sira nian diploma. Legaliza nee balun urjenti, balun ohin hatama aban loraik mak foin foti,” dehan nia ba STL, Tersa (11/11/2025).
Benjamin hatutan, kada loron nee depende ba ema neebe mak mai lelegaliza sira nian diploma. Neebe atende sira depende sira mai, se iha balun mak urjenti, nee dader hatama loraik nunee bele foti kedas.
Jornalista: Jacinta Sequeira
Editora: Domingas Gomes
