DILI, STLTIMORLESTE.com – Ministeriu Edukasaun (ME) liu husi Diresaun Edukasaun Munisipiu Dili la prevee osan ba okupante neebe hela iha areador eskola iha Munisipiu Dili.
Dehan Diretor Edukasaun Munisipiu Dili, Sabino Perreira ba STL iha nia knaar fatin Vila Verde, Dili, Tersa nee (07/01/2025).
“Tanba ita husi Ministeriu rasik ita la prevee osan para atu muda sira sai, tanba nee ita husu nafatin ba komunidade sira neebe mak hela iha areador eskola sira mak tenke iha konsiensia rasik, atu rezolve problema ida nee ita nafatin halo koordenasaun ho parte relevante sira, ho nunee bele fo espasu ba ita nian estudante sira hodi halao prosesu ensinu no aprendizajen iha eskola sira,” dehan nia.
Nia dehan, daudaun nee kuaze eskola 16 mak too agora komunidade sei hela iha areador eskola, neebe mak lokaliza iha Munisipiu Dili, maibe iha tinan 2024 nee konsege muda sai komunidade sira iha EBC Hera.
(jac)
