DILI, STLTIMORLESTE.com – Ministeriu Edukasaun (ME) liu husi Diresaun Nasional Ensinu Tekniku Vokasional halao lansamentu manual edukasaun estra-kurikulár iha TIC Bekora.
Tuir Diretor Nasional Ensinu Tekniku Vokasional, Fernando Mouzinho Gama katak, atividades nee importante tebes, tanba liu husi apoiu organizasaun internasional hamutuk ho asosiasaun nasional nian mak bolu adesta nee hodi haburas dezenvolvimentu talenta.
“Hau hanoin atividades importante tebes-tebes, liu husi ita nian apoiu organizasaun internasional hamutuk ho ita nian asosiasaun nasional nian mak bolu adezta nee, hodi haburas dezenvolvimentu talenta. Ninia atividades diak tebes ba ME, tanba parte ida apoiu ona ME atu redus buat balun iha eskola. Neebe dala ruma ME nia preokupasaun barak atu detekta buat kiik sira nee, maibe liu husi atividades sira hanesan nee konsege bolu ita nian estudantes no profesores sira atu fo hanoin netik sira kona-ba karakter,” esplika nia ba jornalista iha TIC Bekora STM, Tersa (25/11/2025).
Nia dehan, liu husi ekipa ida nee bele ajuda ona eskola sira, hodi bele muda estudantes sira nian hahalok. Nee duni atividades nee diak tebes, tanba nee manual ida nee konsidera ba atividades extra kurikular ninia. Estudantes sira atu hetan susesu mak nee, bele hetan siensia neebe diak,maibe bainhira karakter la diak,nee buat hotu faila.
Nunee mos Diretor Eskola Sekundariu Jeral 10 Dezembru, Manuel Verdial dehan, intensaun diretor eskola ho estrutura eskola, ho manorin sira hakarak duni hein hela buat diak ruma, entaun ita nian ME nasional koopera ho ajensia sira, neebe liga ho direitu umanus nian ita komesa ona hahu, eskola apresia tebes.
Nia hatutan, nee duni ho livrus neebe ohin lansa nee hamutuk ho dirijente husi edukasaun nasional, hodi hakat tan ba iha pasu ida ho fortifika katak, iha ona manual ida, iha mata dalan ida bele akompania manorin sira no instituisaun ida-idak,atu nunee bele hakbesik aan ba estudantes sira.
Jornalista: Jacinta Sequeira
Editora: Domingas Gomes
