DILI, STLTIMORLESTE.com – Ministeriu Edukasaun (ME), Ministeriu Administrasaun Estatal (MAE) no Ministériu Saude (MS) semana oin sei halo asaun ruma, oinsa atu fo formasaun ou desiminasaun ba kozineira neebe tein merenda eskolar ba estudantes.
Haktuir Belchior Maria Almeida Barros hanesan Xefe Departamentu Programa Merenda Eskolar iha Ministeriu Saude ba jornalista STL iha nia knaar fatin, Segunda nee (30/06/2025).
Diresaun ME parte ida mak ami halo koordenasaun ho MAE no MS, karik semana oin ami sei halo asaun ruma, tanba ita hotu hatene buat hotu sei liu husi prosesu, ita halo asaun ruma tenke liu husi prosesu ida, koalia kona-ba orsamentu buat sira nee hotu, entaun tanba nee mak programa merenda eskolar nian parte responsabilidade, maibe iha parte ida ita koalia kona-ba hahan nee haree ba parte MS nian,” nia komenta.
Nia dehan, husi parte ME nafatin halo koordenasaun ho parte rua, MAE ho MS oinsa mak atu foti asaun neebe mak sira atu halo formasaun ba kozineira sira, liu-liu koordena ho parte saude nian kona-ba diresaun parte hahan seguru ninia, tanba uluk kada tinan sira mak atu fo formasaun hodi prepara hahan neebe diak ba estudantes sira.
“Buat sira nee hotu ami atu reforsa fila-fali, tanba tinan barak ona kozineira sira nee la troka, tanba nee parte ME koordena ho MAE no MS, karik semana ida nee nianm laran ami sei haree, medida saida mak ami atu foti, parte ida mak hau koalia ona ho sira, oinsa mak ita atu reforsa tan ekipa ida hanesan uluk, atu nunee fo formasaun ba ita nian kozineira sira neebe mak kada tinan troka, atu nunee sira bele hatene uza hahan,” katak nia.
Nia akresenta, tanba nee sira sei halo koordenasaun ho MAE no MS, iha semana ida nee nia laran sira sei tur hamutuk, medida saida mak sira atu halo formasaun ba kozineira ou halo desiminasaun ba materia neebe uluk fo ona.
(jac)
