DILI, STLTIMORLESTE.com – Ministra Edukasaun (ME), Dulce de Jesus Soares orienta Diretor Servisu Edukasaun Munisipal atu estabelese atividade estra kurikular hanesan kemping eskuteiru iha eskola sira.
Ministra Edukasaun (ME), Dulce de Jesus Soares hatoo lia hirak nee ba jornalista sira iha Eskola Baziku Filial nu. 5 Komoro, Sabadu nee (15/03/2025).
“ME konsidera ida nee ezemplu diak husi atividade estra kurikular ba estudantes no orienta ba Diretor Edukasaun Munisipiu sira atu estabelese atividade ida nee iha eskola sira, tanba ida nee hanesan atividades estra ida ba estudantes sira,” katak nia.
Nunee mos Xefe Agrupamentu Kemping Eskuteiru, Salustiana da Costa Martins dehan, estudante sira labele nakar, tanba ho eskuteiru ninia regras, tanba iha nee sira hanorin kona-ba lei eskuteiru ba sira oinsa atu maneja sira nian tempu no orariu iha eskuteiru nee nia laran.
“Iha nee durante ami halo akampamentu, ami fo treinu ba sira kona-ba baku senafor, estudantes sira halo mos orden unidas, depois sira aprende tan buat ida hanesan disiplina, ita hanorin sira atu nunee sira bele muda sira nian moris, karik sira nakar,” nia esplika.
(jac)
