DILI, STLTIMORLESTE.com – Ministeriu Edukasaun (ME) halo ona pagamentu subsidiu transporte ba Gabinete Apoiu Tekniku (GAT) foun nibel ensinu baziku iha munisipiu neen (6).
Haktuir Joao Amaral hanesan Diretor Rekursu Umanu Nasional iha ME ba jornalista STL, Segunda nee (24/11/2025).
“Ita nian GAT foun nibel ensinu baziku iha munisipiu neen mak bainhira desizaun sai simu kargu foun, halo kedas pagamentu subsidiu transporte ba sira, munisipiu neen nee mak hanesan Bobonaro, Dili, Manatuto, Aileu, Manufahi,” nia afirma.
Nia dehan, nee duni GAT foun sira iha ensinu baziku nee, bainhira desizaun sai sira asumi ona kargu hanesan GAT, nee sira simu ona sira nian subsidiu transporte ninia, tanba nee mak ohin munisípiu neen neebe mak ohin mensiona.
Nunee mos Narcisio Pinto Soares Viera da Costa hanesan Gabinete Apoiu Tekniku (GAT) iha EBC Manleuna dehan, subsidiu transporte nee tama tiha ona, osan foin daudaun tama nee mak US$ 425 nee, nee duni osan nee iha.
“Osan subsidiu transporte nee tama tiha ona, osan foin daudaun tama nee mak US$ 425 nee, nee duni osan nee iha mudansa, subsidiu transporte nee US$ 50, osan nee tama iha loron 22 fulan Setembru tinan nee, osan nee fulan Setembru nian deit, tanba foin asumi kargu hanesan GAT,” nia informa.
Nia dehan, antes nee hanesan profesor baibain, simu subsidiu transporte nee US$ 25 deit, maibe foin daudaun asumi fali kargu nudar GAT, entaun iha fulan Setembru nee foin simu US$ 50.
Entretantu Diretor EBC Manleuana, Carlos Correia hatete, agora daudaun sira nian GAT foun no troka tiha ona, GAT nee troka kedas iha fulan kotuk ba. Kona-ba GAT foun ninia subsidiu transporte nee tama kedas.
“Hau hanoin kona-ba subsidiu transporte ba ami nian GAT foun nee, momentu sira asumi kargu, osan nee mos tama kedas, tanba ami nian GAT agora foun ona, nee duni sira simu ona subsidiu transporte ba kargu xefia nuudar GAT ninia. Uluk sira sei hanesan profesor nee simu deit US$ 25, maibe asumi ona kargu nee subsidiu transporte mos iha mudansa,” nia komenta.
Jornalista: Jacinta Sequeira
Editor: Xisto Mendonça
