DILI, STLTIMORLESTE.com – Ministeriu Edukasaun (ME) sei buka solusaun hodi hakbesik aan ba Julião da Costa ho nia familia neebe hela iha Suku Laisorulai de Cima, Postu Administrativu Matebian, Munisipiu Baucau. Neebe nia ho maun alin nain 4 labele eskola tanba nesesidade ekonomia familia.
Diretora Jeral Planu Politika, Inkluzaun no Informatika, Odilia das Dores Ung Martins hatete, daudaun nee nia parte seidauk hetan informasaun konaba ida nee mais atu dehan deit presiza iha deit kolaborasaun entre Edukasaun Munisipiu mai iha nasional, maibe bainhira ME hetan ona sei hakbesik ba familia refere. Atu nunee bele buka solusaun, hodi hakbesik ba edukasaun formal.
“Se ita hanoin katak, ekonomikamente mak afeita ba labarik labele kontinua sira nia eskola, Ministeriu nian responsabilidade mak hakbesik aan ba sira, para bele buka solusaun neebe diak ba sira,” informa nia ba STL iha sala VIP ME, Vila Verde, Kuarta (10/09/2025).
Nia hatutan, maske nia parte seidauk simu informasaun ida nee, maibe dla ruma husi nivel de ensinu sira simu ona informasaun.
Jornalista: Jacinta Sequeira
Editora: Domingas Gomes
