DILI, STLTIMORLESTE.com – Planu Ministeriu Edukasaun (ME) tinan oin sei halo konstrusaun sala 8 andar ba Ensinu Baziku Sentral (EBC – sigla português) Manleuana.
Diretor EBC Manleuana, Carlos Correia hatoo kestaun nee ba jornalista STL iha nia knaar fatin Manleuana, Kuarta nee (30/07/2025).
“Ami nia konstrusaun nee ba tinan nee seidauk halo, tanba laiha orsamentu, nee husi ME halo fali planu nee ba tinan oin, edifisiu nee sei halo konstrusaun sala 8, konstrukmsaun tuir planu ME nian sei halo ba tinan oin, planu ME nian konstrusaun nee andar 8, sala 4 iha leten no sala 4 iha kraik, nee planu ME nian sei halo konstruksaun ba sala 8 nee iha tinan oin,” dehan nia.
Tuir Diretor EBC nee hatutan, kona-ba atu halo konstrusaun foun ho andar sala 8 nee parte leten sala 4 no parte kraik sala 4, nee mak hamutuk sala 8, maibe husi tekniku ME nian mai sukat ona, maibe tinan nee seidauk bele halo konstrusaun, tanba haree ba iha orsamentu, nunee tinan oin foin hahu konstrusaun.
Iha fatin seluk, Diretor EBC 10 Dezembru Komoro, Calistro A. Guterres dehan, sala hirak nee ninia plafon monu hotu ona, nee duni sala de aula 6 mak presiza halo reabilitasaun para estudantes sira uza ba prosesu ensinu aprendizajen iha eskola, tanba sala hirak nee ninia kakuluk hahu monu daudaun no ba oin husu ME atu bele tau atensaun ba asuntu ida nee.
“Ita presiza tan sala de aula 6 mak ita presiza halo reabilitasaun, tanba nee ohin dader ami halo ona identifikasaun, sala tolu neebe mak ita nian komunidade sira husik hela hamutuk sala 5, tanba sala tolu durante tinan naruk komunidade sira mak okupa, maibe komunidade sai tiha ona no sala nee agora mamuk hela, no sala tolu mak iha merenda nia oin nee, tanba uma leten nee ninia kakuluk monu hotu ona no sala rua durante nee la taka kalen,” nia komenta.
(jac)
