DILI, STLTIMORLESTE.com – Ministeriu Edukasaun (ME) liu husi Diresaun Nasional Edukasaun Inklusiva no Asaun Sosial Eskolar (DNEIASE) sei fo orientasaun ba Grupu Ekipa Jestor Programa (EJP) no dirijente sira husi EBC no EBF.
Xefi Departamentu Programa Merenda Eskolar iha ME, Belchior Maria Almeida Barros haktuir, agora dadaun seidauk halao orientasaun ba grupu EJP no Dirijente sira, tanba husi eskola ida-idak iha tempu badak sei halao ezame nasional.
“Agora dadaun ita seidauk halao orientasaun ba Ita nian grupu EJP no Dirijente sira, tanba husi eskola ida-idak iha tempu badak sei halao ezame nasional. Ho nunee depois de ezame nasional mak ita bele halao orientasaun ida nee,”esplika nia ba STL, Segunda (13/10/2025).
Nia hatete, kontiudu husi orientasaun nee maka hanesan, liu-liu koalia konaba hahan seguru nee. Intermus de sira nian preparasaun, oinsa atu haree hahan sira no identifika modo tahan sira neebe maka fresku, ikan neebe fraku, tanba lakohi labarik sira han aihan neebe kontaminadu,liu-liu modo neebe namlaek ona.
Iha parte seluk Diretor EBC Manleuana, Carlos Correia dehan, uluk sira hetan formasaun husi Ministeriu Edukasaun, nee momentu sira asume kargu foun hanesan Diretor nee, sira hetan kedas formasaun,oinsa atu halo kontrola ba merenda eskolar iha eskola.
“Hau hanoin uluk sira hetan formasaun husi Ministeriu Edukasaun, nee momentu sira asume kargu foun hanesan Direitor nee, sira hetan kedas formasaun,oinsa atu halo kontrola ba merenda eskolar iha eskola,”nia esplika.
Nunee mos Kordenador Pre Eskolar Sagrada FamÃlia Vila-Verde, Cornelio A.Soares dehan, fornesedór neebe tein ba estudantes sira han nee nain ida deit, no durante nee hetan formasaun ruma liga ba implementasaun merenda eskolar nee, hodi oinsa prepara hahan ba estudantes sira han.
Jornalista: Jacinta Sequeira
Editora: Domingas Gomes
