DILI, STLTIMORLESTE.com – Ministeriu Edukasaun (ME) liu husi rekursu umanu simu ona lista prezensa profesores faze datolu nian husi eskola sira hotu, no sei halo pagamentu salariu no subsidiu iha Dezembru nian laran.
Haktuir Diretora Rekursu Umanu iha ME, Anita Tavares Ribeiro de Jesus ba STL iha nia knaar fatin Vila Verde, Segunda nee (09/12/2024).
“Lista prezensa ba ita nian profesores faze datolu nian husi Munisipiu sira nee mai hotu ona. Nee duni ita hein deit halo pagamentu salariu fulan rua nian, no sira nian subsidiu ba fulan tolu ninia, neebe iha Dezembru nia laran nee ita tenke halo pagamentu ba ita nian profesores faze datolu ninia. Lista prezensa hela ida rua deit mak seidauk, maibe iha semana ida nee nia laran ami konfirma tan los ona,” nia afirma.
Anita dehan, lista prezensa profesores sira nian maioria husi eskola sira nee tama mai hotu ona iha Rekursu Umanus ME, pagamentu subsidiu fulan tolu, no salariu fulan rua. Nee duni iha fulan nee halo deit ona pagamentu ba sira.
(jac)
