DILI, STLTIMORLESTE.com – Tinan nee Ministeriu Edukasaun (ME) sei kontinua fo apoiu komputador no projetor ba ensinu tekniku vokasional (Tekvo) publiku hitu (7).
Afirma Diretor Nasional Ensinu Tekniku Vokasional, Fernando Mouzinho Gama ba jornalista sira iha nia knaar fatin Ministeriu Edukasaun, Sesta nee (16/05/2025).
“Ita sosa komputador ba eskola lima (5), nee ita fahe tan ona, nee ba eskola lima (5) maibe ba tinan ida nee ita sei sosa komputador no projetor ba eskola tekvo hitu (7) neebe agora daudaun ninia prosesu iha ona aprovizionamentu, ita sei sosa komputador ba eskola hitu (7) maibe iha tinan kotuk ita sosa ba eskola lima (5), tinan nee ba eskola hitu (7), tinan oin ita sei sosa ba eskola sanolu (10) resin,” tenik nia.
Nia hatutan, Ministeriu Edukasaun nian objetivu nee atu distribui komputador ba eskola hotu para bele halao buat ida dijitalizasaun nee tenke lao, entaun sira Sosa komputador fazeadamente, depois hola mos projetor atu nunee ba eskola hotu labele uza jis ona, maibe eskola hotu uza ona projetor.
“Eskola balun lao tiha ona, sira uza deit projetor iha sala de aula, Setembru ou Outubru nunee ita bele distribui, kuandu prosesu lao hotu, tinan ida nee ita tenke distribui komputador ba eskola hitu (7), kada eskola ita propoin 31 komputador no projetor ida, montante orsamentu sosa komputador no projetor ba eskola hitu (7) nee hamutuk rihun US$ 300 resin,” katak nia.
(jac)
