DILI, STLTIMORLESTE.com – Infraestrutura eskola liu-liu ensinu baziku no sekundaria presiza iha melhoramentu regular no hakbiit liu tan nia kapasidade atu bele absorve numeru estudante.
“Infraestrutura eskola nian liu-liu ensinu baziku no sekundaria presiza iha melhoramentu regular no hakbiit liu tan nia kapasidade atu bele absorve numeru estudante nebee kada tinan aumenta ba beibeik, enkuantu pre eskolar publiku sira presiza haluan liu tan nia kobertura, loke tan iha area remotas hodi bele garante katak labarik idade 3-5 bele asesu besik iha sira nia hela fatin,” hatete Diretor Ezekutivu TLCE, Jose Monteiro ba STL, Kuarta nee (04/12/2024).
Jose akresenta, kestaun fasilidade hanesan haris fatin, bee moos no bibleoteka presiza atensaun makaas liu tan hodi asegura katak, eskola sira sai nuudar ambiente amigavel, seguru no ijiene, tenke mos iha bibleoteka atu estudante sira bele aprende no konhese liu mundu, bele dezenvolve bibleoteka ida nebee ho kustu barutu maibe kualidade, asesivel no atrativu.
(jac)
