DILI, STLTIMORLESTE.com – FALINTIL-Forsa Defeza Timor Leste (F-FDTL) servisu hamutuk ho Defence Coorporation Program (DCP) haruka membru F-FDTL nain 10 husi Kompanhia Enjiñaria tuir formasaun kona-ba Training Other Trainers (TOT) iha East Timor Development Agency (ETDA), hodi prepara sai treinadór bá Militár Enjiñaria sira seluk no ohin termina ona sira nia formasaun.
“Forsa atu sai profisional atu sai modernizasan tenke iha kursu oin-oin, para sira hatene dezenvolve sira nia aan unidade no komponente sira, ida nee primeira vez mak loke ba Kompanhia Enjenharia, hau hanoin aban bainrua se bele karik loke ba anibel komponente tomak para militár sira hotu bele mai partisipa hotu,” hatete Komandante Forsa Apoiu Jerál Koronel Celestino Pinto “DAELEBA” ba jornalista sira liu husi ninia diskursu iha iha fatin STW CICNL Metinaro, Segunda (02/06/2025).
Nia dehan, iha futuru F-FDTL sei servisu diak liu tan ho East Timor Development Agency (ETDA) para bele fasilita nafatin ba militár sira, laos deit iha engenharia maibe bele mos ba Komponente no Unidade sira hotu.
Komandante Forsa Apoiu Jerál Koronel Celestino Pinto “DAELEBA” mos husu ba militar sira neebe ohin remata ona formasaun nee atu aprende nafatin bainhira fila fali ba imi nia kompanhia karik atu aplika buat neebe mak imi aprende durante loron 15 iha ETDA ba Militár sira seluk.
Iha fatin hanesan, Diretor ETDA, Januario Neto Mok informa,Formasaun kona-ba Training Other Trainers (TOT) iha East Timor Development Agency (ETDA) durante nee senti kontenti tebes tanba konsege atinzi formasaun neebe mak halo iha F-FDTL nian, liu-liu ba Training Other Trainers (TOT), tanba TOT iha nia formasaun neebe iha obzetivu para atu perepara ba espesil iha enjenaria nian no sai fasilitador nomos formador iha futuru.
“Kursu iha loron 15 nee intesivu formasaun ida nee vaze permeira iha sertifikadu neebe ita konsentra liu nee oinsa maka partisipante sira bele dezenvolve estratéjia no komunikasaun, hanorin fasilita,abilidade teknik husi sira neebe ita boot sira iha,” nia deklara.
Nia koalia, iha sertifikadu ters nian nee sira konsentra liu oinsa mak dezenhu, oinsa mak lidera, no bele implementa konhesimentu no abilidade tékniku abilidade konhesimentu neebe sira iha ona.
“Formasaun atu di’ak liu tan husu partisipasaun sira, buat neebe ita aprede iha nee laos aprende deit, importante mak ninia kontinuasaun, tanba nee atu determina ho rekonhesimentu sertifikadu no buat neebe hau apresia mak ita boot sira nia servisu makaas no disiplina neebe merese duni hanesan militár, tanba nee parabens ba ita boot sira hotu,” nia afirma.
Entretantu partisipa iha serimónia nee mak Komandante Forsa Apoiu Jerál Koronel Celestino Pinto “DAELEBA”, Adjunto Adido Defeza Austrália Komandante Jensen, DCP, Diretór ETDA, Komandante Enjinharia Kapitaun Terdede, Segundo Komandante Enjinharia Tenente Leite no Ofisiais, Sarjentus no Prasas F-FDTL.
(jen)
