DILI, STLTIMORLESTE.com – Ministra Edukasaun, Dulce de Jesus Soares hatete, presiza dedikasaun boot husi mentor lokal sira, tanba dedikasaun atu hadia beibeik abilidade no matenek, dedikasaun atu buka maneira hodi halo mudansa iha manorin no dirijente idak-idak, no dedikasaun atu ba servisu nakonu ho enerjia, ideia foun no pasiensia hanorin ho efetivu mak jerasaun foun sei preparadu atu avansa ba nasaun nia dezenvolvimentu.
Liafuan nee Ministra Dulce haktuir liu husi diskursu bainhira partisipa iha reflesaun no avaliasaun ba servisu husi mentor lokal sira nian neebe halao durante 2025 iha salaun Katedral, Bebora, Kinta (22/01/2026).
Nia dehan, Ministeriu Edukasaun dedikadu tebes ba hadia kualidade edukasaun neebe oferese ba sidadaun sira, no programa mentoria ida nee mak komponente xave ida ba esforsu nee no reflesaun kona-ba progresu no dezafiu sira, no identifika dalan diik liu ba oin, mak buat neebe esensial atu asegura katak programa nee hatan duni ba nesesidade Ministeriu nian, liuliu hodi fo apoiu neebe diak liu ba líder eskolar no profesor sira.
“Ba kolega sira iha nivel munisipál, atu kontinua valoriza no serbisu ho programa ida-nee no asegura katak mentor sira iha eskola loron-loron hodi apoia diretamente atu hadia kualidade ensinu neebe ita bele oferese ba ita-nia estudante sira. Ita nia dezempenu iha nivel nasional no munisipál bele sukat laós husi kualidade relatoriu ka minutu enkontru sira, maibe husi kualidade edukasaun neebe ita-nia eskola sira oferese,” dehan nia.
Nia akresenta, presiza dedikasaun boot husi mentor lokáa sira tanba dedikasaun atu hadi’ak beibeik abilidade no matenek, dedikasaun atu buka maneira hodi halo mudansa iha manorin no dirijente ida-idak, no dedikasaun atu bá serbisu nakonu ho enerjia, ideia foun, no pasiénsia no karik manorin sira hanorin ho efetivu, maka jerasaun foun sei preparadu atu avansa ba nasaun nia dezenvolvimentu no progresa.
Tuir nia, servisu mentor nee la fasil, dalan aat, udan boot no hanoin ka mindset husi dirijente no profesor dala ruma susar atu muda.
(dom)
