DILI, STLTIMORLESTE.com – Kada tinan Instituisaun Ensinu Superior prepara joven neebe remata ona sira nian estudu, maibe too agora sei menus empregu iha rai laran.
Lia hirak nee hatoo husi Raimundo Martins, hanesan graduadu husi UNPAZ, Fakuldade Ekonomia ba STL iha Vila Verde, Segunda nee (21/10/2024).
“Ita bele remata ona ita nian estudu, maibe kestaun mak ita sei menus empregu ka kampu servisu ba ita, tanba ita nia joven barak neebe remata iha universidade, balun too agora seidauk hetan servisu, balun ba iha rai liur no balun halo deit atividades negosiu. Se karik ita nian governu mak iha planu ida loke investimentu boot ruma, nee bele fo servisu mai ita,” dehan nia.
Raimundo akresenta, los duni joven feto ho mane neebe foin remata estudu, maibe sira hili dalan ba servisu iha rai liur hodi bele apoiu familia, nee duni kada fulan ou kada semana joven feto tantu mane barak sai ba rai liur.
(EST 1)
