DILI, STLTIMORLESTE.com – Servisu Edukasaun Munisipiu Ainaro halo pedidu nafatin ba Ministeriu Edukasaun (ME), hodi rezolve eskola balun neebe mak sei menus meza no kadeira ba estudantes sira.
Lia hirak nee hatoo husi Diretor Servisu Edukasaun Munisipiu Ainaro, Patricio da Costa Magno ba STL liu husi telefone, Domingu nee (10/11/2024).
“Atu nunee ita nian oan sira uza hodi eskola ho ativu, kona-ba kadeira no meza, ita koko hela eskola neebe mak liu, ita bele foti taka ba iha eskola balun neebe sei menus, ita halo nafatin pedidu mai iha ME koko atu rezolve oituan,” dehan nia.
Patricio hatutan, kona-ba infraestrutura eskola too agora eskola balun lao seidauk diak, tanba eskola balun nee halo dezde iha tempu Indonezia ninia, maibe ukun aan nee estadu rezolve balun ona, agora mos koko eskola neebe sala menus, koko atu aumenta tan sala, nee ba primeiru no segundu siklu.
(jac)
