DILI, STLTIMORLESTE.com – Eskola Sekundariu balun neebe sei menus profesores, Ministeriu Edukasaun (ME) sei rezolve ho bolsa kandidatu profesores 700, neebe iha tempu badak sei simu tomada de pose.
Tuir Diretor Nasional Ensinu Sekundariu iha ME, Benjamin Gomes da Cruz Fernandes hatete, karik too agora eskola sekundariu balun menus professores ba disiplina, ME sei rezolve ho bolsu kandidatu 700 ba nibel sekundariu ninia.
“Iha tempu badak ami sei halo tomada de pose ba ita nian profesores hamutuk 700, depois halo kolokasaun para bele hanorin iha tinan oin. Tanba nee ita nian eskola sekundariu balun neebe sei menus professores, nee ami sei rejolve ho ita nia bolsa kandidatu professores hamutuk 700, neebe iha tempu badak ita sei halo tomada de pose ba sira,” dehan Diretor Nasional Ensinu Sekundariu iha ME, Benjamin Gomes da Cruz Fernandes ba STL, Segunda (10/11/2025).
Nia akresenta, eskola sekundariu balun neebe karik sei menus professores, nee ME sei rejolve ho ita nia bolsa kandidatu 700.
Iha parte seluk Diretor Eskola Sekundariu Jeral 10 de Dezembru Komoro, Manuel Verdial dehan, ba disiplina balun sira sei menus professores, no ba oin presiza atu aumenta professores iha sira nian eskola.
Jornalista: Jacinta Sequeira
Editora: Domingas Gomes
