DILI, STLTIMORLESTE – Atleta husi modalidade Taekwondo, Dates Mota Messias, aumenta tan medalla bronze ba Timor-Leste hafoin halakon atleta husi Malazia iha Kuatru Finais iha SEA Games 2025 ba dala 33 neebe realiza iha Thailandia.
Dates Mota Messias manan medalla nee iha kategoria Mane (80 kg – 87 kg), hafoin luta makaas tebes no hakat too faze Semifinal iha loron 11 Dezembru.
“Loron neebe nakonu ho orgullu Atleta Taekwondo Timor-Leste nian, Dates Mota Messias konsege garante tan Medalla Bronze daruak ba ita-nia nasaun iha SEA Games 2025,” haktuir nota imprensa neebe STL asesu husi pajina Facebook ofisial husi Ministeriu Juventude, Desportu, Arte no Kultura (MJDAK), Sesta (12/12/2025)
Aleinde nee, iha loron Kinta Feira (11/12/2025), Atleta taekwondo husi ekipa Poomsae feto oferese uluk ona Medalla Bronze primeiru ba Timor-Leste.
Jornalista: Alberto Menezes
Editora: Carme Ximenes
