DILI, STLTIMORLESTE.com – Ministeriu Ensinu Superior Siensia no Kultura (MESSK) halo lansamentu korresaun boletin asesu husi estudantes ba Universidade Nasional Timor Lorosae (UNTL) ho Institutu Politeknik Betano (IPB).
Haktuir Ministru Ensinu Superior Siensia no Kultura (MESSK), Jose Honorio da Costa Pereira Jeronimo ba STL iha edifisiu MESSK Kolmera, Kuarta nee (08/01/2025).
“Hau fo hatene ba tekniku sira, halo korresaun neebe mak diak no rigor, atu nunee ita bele fasilita prosesu nee ho diak, ita nian sosiedade tau kestaun ba prosesu ingresu asesu ba UNTL, tanba nee hau husu ba sira halo korresaun ho rigor no transferensia, tanba iha ministeriu hira kedas mak partisipa hanesan Ministeriu Solidariedade Sosial, Veteranus, PNTL, F-FDTL, UNTL no MESSK rasik, ho ekipa tomak, inklui ho profesor sira neebe halo teste ezame ba estudante sira,” nia dehan.
MESSK Jose husu ba tekniku sira atu bele halo korresaun neebe mak diak, tuir duni ho regras neebe mak iha ona, korresaun nee han tempu iha semana ida nia laran, karik la liu, nee la liu duni. Hein valor too mak bele liu, tanba tenke hanorin Timoroan sira hanesan nee.
Nia hatutan, kona-ba total estudantes hira mak atu asesu ba iha UNTL no IPB, teknikamente DJ mak bele esplika.
(jac)
