DILI, STLTIMORLESTE.co – Ministru Ensinu Superior Siensia no Kultura (MESSK), José Honorio rezeita informasaun katak, bolseiru ba rai liur famíliarizmu, tanba rekrutamentu la haree ba familia maibe haree abilidade.
Nia dehan, kona-ba estudante 50 neebe halo selesaun depois haruka ba Portugal, ida nee koalia kona-ba reforma judisiariu, tanba nee IX Governu Konstitusional haree importantes liu tanba iha problema liu ba justisa. Neebe Governu kada tinan rekruta 50 estudante, sira nee la ba UNTL, maibe iha regulamentu rigor haree ba sira nia abilidade no konhesimentu ba lingua Português.
“Hau rona Deputadu sira katak, famíliarizmu ba bolseiru ba Portugal, maibe lae tanba buat hotu haree ba abilidade no konhesimentu ba lingua. Ita halo rekrutamentu rigor katak tenke hatene Português, nunee mos 50 neebe atu haruka ba Portugal Petronas tenke hatene Inglês, neebe Ministériu tau atensaun”, katak MESSK, josé Honorio iha debate proposta OJE 2025, iha PN, Dili, Sesta (15/11/2024).
Nia dehan, halo rekrutamentu nee mak arbiru deit, estudante sira fila mai sei la halo buat 1, lá aprende buat ida, laos nee deit, maibe mos ba bolsu estudu ba Camões, ba Xina, Ministériu sempre atensaun.
Tanba Governu tau importansia ba reforma Justisa, 50 kada tinan, ida nee ministeriu servisu hamutuk ho Lúcia Lobato.
Entretantu Deputadu husi Bankada FRETILIN, Joaquim dos Santos hatete, kona-ba Ensinu Superior Siensia no Kultura, rekrutamentu ba estudante 50 ba estudu direitu liga ho fakukuldade direitu tanba sa mak MESSK la halao papel kona-ba ida nee, maibe PM mak halao fali servisu nee hodi buka kandidatu atu estudu direitu hodi reforsa justisa.
(gui)
