DILI, STLTIMORLESTE.com – Ministeriu Ensinu Superior Siensia no Kultural (MESSK) seidauk atribui subvensaun ba instituisaun Ensinu Superior.
Ministru Ensinu Superior Siensia no Kultural (MESSK), Jose Honorio da Costa Pereira Jeronimo hatoo kestaun nee ba STL iha nia knaar fatin, Sesta (11/04/2025).
“Subvensaun iha dekretu lei kona-ba Orsamentu Jeral Estadu, ami sei halo dekretu lei ida oinsa bele atribui subvensaun ba ita nian universidade sira, nee duni agora daudaun seidauk atribui subvensaun ba universidade, subvensaun neebe mak ita fo nee depende, tanba orsamentu iha US$ 2 milhaun neebe aprova atu fo ba ita nian universidade sira, husi universidade sira halo ona relatoriu mai iha MESSK, nee halo hotu ona,” dehan nia.
Nia dehan, lei obriga tenke halo dekretu lei, bainhira atu fo subvensaun ba iha instituisaun Ensinu Superior sira, ho subvensaun neebe Ministeriu atu fo ba universidade nee hanesan apoiu ida ba sira bele hadia kualidade.
Iha fatin seluk, Reitor EAST Timor Coffee Institute (ETCI), Mateus Maia de Jesus dehan, subvensaun nee husi MESSK fo apoiu ba institutu ka universidade sira, maibe presiza halo mos relatoriu ba subvensaun neebe mak fo ona, relatoriu nee ba MESSK.
“Hau hanoin subvensaun nee husi MESSK fo apoiu ba institutu ka universidade sira,.maibe presiza halo mos relatoriu ba subvensaun neebe mak fo ona, relatoriu nee ba MESSK,” katak nia.
(jac)
