DILI, STLTIMORLESTE.com – Ministeriu Finansas (MF) transfere ona konsesaun eskolar ba konta bankaria eskola Hotelaria no Turizmu Bekora.
Haktuir Charles F. Guterres hanesan Diretor Eskola Hotelaria no Turizmu Bekora ba jornalista STL iha nia knaar fatin Bekora, Sesta nee (04/07/2025).
“Osan konsesaun eskolar nee foin transfere iha loron Sesta foin lalais nee, iha loron Sesta nee kedas ami komesa ezekuta ona, tanba ami tarde los ona, nee duni ami tenke ezekuta ona para hodi duni ninia relatoriu, prioridade ba iha ami halo instalasaun ba eletrisidade, ami hola ekipamentus ba pratika nian,.ba departamentu tolu neebe mak eziste iha eskola, nomos ami hola ekipamentus desportu ba labarik sira,” nia afirma.
Nia akresenta, hola ekipamentus desportu ba estudantes sira, bola voli inklui fo prioridade ba iha jardim eskolar, atu nunee fatin sira nee sei furak no kapas hodi atrai ema barak nia matan eskola iha nee, kada estudantes sei hetan dolar rua, nee kali ba iha fulan lima. Montante konsesaun nee hamutuk US$ 2.440, kada estudantes dolar rua.
Iha fatin seluk, Diretor Eskola Sekundáriu Nobel da Paz, Jeremias P. de Jesus hatete, kona-ba konsesaun eskolar too agora seidauk tama, maske sira halo ona Karta ba Ministeriu Edukasaun, maibe too agora osan nee seidauk tama, maibe ida nee kompetensia Ministeriu Edukasaun nian.
“Kona-ba konsesaun eskolar too agora seidauk tama, maske sira halo ona Karta ba Ministeriu Edukasaun, maibe too agora osan nee seidauk tama, maibe ida nee kompetensia Ministeriu Edukasaun nian,” dehan nia.
(jac)
