AMBENO, STLTIMORLESTE.com – Ministru Interior (MI), Francisco da Costa Guterres reprezenta Primeiru Ministru, ofisialmente abertura konfrensia Rejional Turismu Oekusi durante loron 2 (25-26 Novembru) ho tema “Hamutuk Promove Ita Nia Povu no Rai Enklave Oekusi Nuudar Belun no Fatin ba Ema Hotu-Hotu.
Konfrensia nee realiza husi Autoridade Rejiaun Administrativu Espesial Oekusi-Ambeno (RAEOA) ho Komisaun Executiva Zona Ekonomika Espesial ba Dezenvolvimentu Oekusi-Ambeno KE-ZEEDOA) iha ambitu komemorasaun loron Proklamasaun Independensia 28 Novembru Timor Leste ba dala 49.
“Turismu sai Instrumentu ida ba dezenvolvimentu ekonomia Timor Leste (TL) liu-liu iha RAEOA, tanba iha Turismu Istoriku, Turizmu Relijiaun nomos Turizmu Kultura, Oekusi oan tenke partisipa ativu hodi dezenvolve Turizmu iha Oekusi,” dehan Ministru Interior, Francisco da Costa Guterres liu husi ninia deskursu iha Otel Oeupun, Segunda (25/11/2024).
Nia husu ba Oekusi no orador prinsipal sira iha konfrensia nee, atu identifika potensia turismu lo-loos, hodi bele dezenvolve, fo benefisiu ba povu TL, liu-liu iha Oekusi oan, nunee bele atrai turista sira bele mai vizita Oekusi .
“Oekusi nuudar fatin primeiru embarga Portugues sira sama rai Timor nomos primeiru kapital Timor mak iha Oekusi mak lori ba rai boot neeba, Oekusi potensial boot ba setor Turizmu Historiku no Turizmu Relijiozu, kuandu ita dezenvolve didiak, ema barak mak sei mai Oekusi,” dehan nia.
Husu ba Oekusi oan sira atu involve aan iha dezenvolvimentu Oekusi, laos halo dezenvolvimentu ida nee ba maluk sira iha rai boot neeba, Oekusi oan sira tenke ativu, partisipa halo dezenvolvimentu.
“Hau dezeja susesu ba orador sira hotu neebe mak mai fahe esperensia, ita boot sira nian iha Oekusi, liu husi konfrensia rejional Turizmu Oekusi, ita nia prezensa ajuda ami atu dezenvolve rai ida nee, para rai Timor bele ba oin nafatin,” dehan nia.
Iha oportunidade nee, Prezidente Autoridade RAEOA, Rogerio Tiago de Fatima Lobato dehan, ohin hamutuk iha Otel Oeupun atu koalia kona-ba dezenvolvimentu turizmu iha TL, liu-liu iha RAEOA.
“Ita hasoru malu ohin loron atu koalia kona-ba dezenvolvimentu iha ita nia nasaun TL nian, iha RAEOA, turizmu sai instrumentu ida para ita atu dezenvolve ita nia ekonomia, ita hariku ita nia rai,” dehan Rogero.
Nia haktuir tan katak, TL pais ida riku ho istoria oin-oin, maibe koalia kona-ba turizmu bele hahu ho turizmu Istoria TL nian neebe naruk loos, husi tinan 1515, Portugal tama rai TL lori Kristionizmu Katolika liu husi Oekusi, agora TL 96,60%, nasaun Segundu relijiaun Katoliku, primeiru maka Vatikanu 100% Katoliku.
“Koalia kona-ba Turizmu Istoriku, hau hakarak dehan, Portuges sira laos mai iha Timor deit, sira uluk iha Kupang, Sabu, Rote depois sira halo funu kontra Olandes, sira funu lakon hela deit mak sira husik hela rai sira nee no sira iha deit ona Timor Leste iha momentu neeba,” dehan nia.
Nia dehan, koalia kona-ba Turizmu Relijiozu, Oekusi iha abut ida neebe makaas, tanba Igreja sira neebe eziste iha tinan barak nia laran, Igreja sira nee sei kontinua ejiste iha Oekusi. Iha mos turizmu kultural, povu Oekusi ninia kultura nee oin seluk, tanba nee Xefe Governu, Kay Rala Xanana Gusmão husu ba PA-RAEOA atu fo importansia ba Turizmu Kultura.
Nunee mos, Koordenador Komisaun Executiva Zona Ekonomika Espesial ba Dezenvovimentu Oekusi-Ambeno (KE-ZEEDOA), Joao Mendes Goncalves dehan, eventu konfrensia rejional Turismu Oecusse, importante ba futuru Oekusi nian.
“Ami husi KE-ZEEDOA, ho hanoin ida ba futuru mak ami deside katak ho eventu ida nee ita kontribui makaas ba dezenvolvimentu Turizmu iha rai Oekusi ho ninia Diresaun sira,” dehan nia.
Nia haktuir tan katak, planu estratejiku ba dezenvolvimentu halo ho prinsipiu, objetivu neebe halo, lases husi planu estratejiku ba dezenvolvimentu Nasional, hodi hili prioridades tolu mak prioridade iha setor agrikultura, Industria no Turizmu.
“Ita nia panorama turistiku iha Oecusse kapas teb-tebes, foho furak, tasi furak, tanba nee investor sira husi rai liur barak mak hakarak mai investe iha Oekusi, aban bainrua ita iha aquarimu istoriku, kultura, Relijiaun hodi atrai ema mai vizita Oekusi, ida nee planu neebe maka ami prepapra ba futuru Oekusi ninian, laos ba ami, tanba nee presiza apoiu husi Oecusse oan hotu-hotu maka nain ba dezenvolvimentu,” afirma nia.
Iha biban nee, Visi I, KE-ZEEDOA, Regio da Cruz Salu dehan, Autoridade RAEOA ho KE-ZEEDOA, ohin realiza konfrensia rejional Turizmu iha Oekusi.
“Konfrensia ida nee ho intensaun boot Autoridade RAEOA ho KE-ZEEDOA nian, realiza mehi boot husi estadu ba ita nia rai Oekusi, Turizmu sai King Drive and forces prinsipal, aleinde forsa dezenvolvimentu industria no produtividade husi agrikultura no kreatividade sira seluk,” dehan nia.
Objetivu prinsipal husi realiza konfrensia ida nee atu lansa daudaun intensaun estadu liu husi IX Governu Konstitusional ba rai enklave ninia potensial iha investimentu Turizmu iha plataforma tomak Planu Estratejiku Dezenvolvimentu Oekusi-Ambeno no refleta kona-ba planu estratejiku dezenvolvimentu Rejionanal (PEDR) RAEOA nian, 2019 ate 2023 primeira faze (PEDR) atu nunee hakat ba oin.
“Tinan hirak ba kotuk, ita nia lider sira simu expresaun de kolaborativa atu investe, tanba ita nia potensia nia geografika nakonu ho potensia, TL nia futuru ekonomiku neebe lori TL moris ho naran nivel integrasaun ekonomika rejional dinamizasaun ekonomia rejional ninian. Tema prinsipal mak hamutuk ita promove povu no rai enklave Oekusi nuudar belun no fatin ba ema hotu-hotu, ida nee maka mensajen ba estadu nomos ba ita hotu, mesmu ita iha diferensia iha politika partidu maibe ita nia rai Oekusi iha Potensial. Ita nia estadu durante nee investe ona konfiansa ba povu iha rai Oekusi-Ambeno, milionariu orsamentu tau iha Oekusi.
IX Governu liu husi autoridade RAEOA ho KE-ZEEDOA, hakarak liu husi seminariu nee iha opsaun neebe mak tenke foti, atu hahu ona investimentu integradu, inkluziva ba turizmu nee.
“Iha seminariu loron 2 nee, ita ezamina no hatete sai kona-ba ita nia estratejia kona-ba area ambiental, potensia turizmu natureza, potensia Turizmu Komersial, potensia turizmu Desportuva no potensia Turizmu kultural, Relijioza, istoriku neebe definidu iha elaboradu iha PEDR kona-ba planu estratejiku investimentu nee rasik,” nia afirma.
Orador neebe mak hola parte iha konfrensia rejional Turizmu Oekusi nee, konvinadu husi Nasional, Lokal no Internasional husi Merssez University, neebe iha esperensia durante investimentu turistiku ilhas Pasifiku no Novazelandia rasik, sira nia prespektiva kona ba people management Turism industry no orador sira seluk tan neebe aprezenta sira nia esperensia kona-ba area turizmu.
Iha sesaun dahulu, konfrensia rejional Turizmu Oekusi, orador dahuluk aprezenta husi Reitor Institutu de Filosofia e de Teologia (ISFIT) de Dom Jaime Goulart Fatimeta, Dili, Pe. Justino Tanec ho tema, konhese Oekusi-Ambeno hori uluk hori wain Oekusi Amasat, orador segundu husi Diretur Jeral Turizmu Timor Leste, Julio Ximenes Ribeiro, aprejenta kona ba Vizaaun no Politika ba dezenvolvimentu setor turizmu iha Timor Leste, orador terseiru husi Fundador Dili Institute Of Technology, Manuel Vong koalia kona-ba Institutional Issues and the potential Of Tourism Industry in Timor Leste, nunee mos Regina Scheyvens (Virtual or Recorded) hosi Massey University/Development Studies Network aparezenta kona-ba Tourism industry in the small Island states and Lessons Learnt for Timor Leste Special Economic Zone Tourism Development, Diretor Prinsipal (DIRUT), PT. Permata Persada Pertiwi, Jakarta, Indonesia, Alex Kertasa aprezenta kona ba Zona Ekonomia Espesial no analiza Potensia Turizmu Komersiu Oekusi-Ambeno, TL iha konteks dezenvolve hamutuk Rejional iha Rejion Easte Indonesia, Norte Teritoriu Australia no Pasific, (SEZ and the analysis of Commercial Tourism Potential of Oé-cusse Ambeno in the context of common Regonal Growth within the Eastern Part of Indonesia, Northern Territory of Australia and the Pacific Islands Context).
Nunee iha parte lokraik orador Danen WorldFish, PADTL Jharendu Pant, Scientist/Project Leader, aprezenta topiku ida kona ba Agrotourism – Fisheries and Aquaculture Potential and Contribution to food Security and Market within the special economic zone of Oekusi Ambeno. Nomos Brígida Antónia Correia, husi Universidade Nasional Timor Lorosae (UNTL) topiku ida iha ninia aprezentasaun kona ba Agrotourism – Livestock Potential.
(jos)
