DILI, STLTIMORLESTE.com – Ministru Interiór (MI) Francisco da Costa Guterres hateten, Governu liu husi Ministeriu Interiór sei loke prosesu investigasaun hasoru komisaun rekrutamentu neebe lideradu atuál Segundu Komandante Jerál Polisia Nasional Timor Leste (PNTL), Komisáriu Polísia Pedro Belo.
Nia dehan, ekipa Komisaun Supervizasun ba rekrutamentu vaga kandidatu Membru PNTL foun neebe lideradu husi Paulo Assis rekomenda ona ba Konselhu Ministru, rezultadu supervizasun ba rekrutamentu mosu irregularidade iha prosesu rekrutamentu vaga membru PNTL foun, tanba nee komisaun rekomenda ba Governu atu loke prosesu investigasaun ba komisaun.
“Komisa rekomenda ona neebe ami sei halo investigasaun, kuandu Investigasaun nee mai ita sei haloprosesu nee depois mak ita haree,” hatete Ministru Interiór (MI), Francisco da Costa Guterres ba jornalista sira iha Palásiu Governu, Kuarta (25/03/2026).
Nia dehan, kuandu Komisaun Rekrutamentu nee mak hetan duni indisiu iregularidade mak sei prosesa ba Kriminál.
“Se iha prosesu nee nia laran mak hetan buat ruma iha laran mak ita sei lao tuir prosedimentu iha laran,” nia tenik.
Nudar Ministru Interior sei haree ida nee hotu kedas. “Maibé ita sei halo uluk investiga uluk ita haree, prosesu nee falla iha neebe depois ita sei haree tan se envolve kestaun krime ruma mak ita sei rekomenda investigasaun Kriminál tenke prosesa,” nia deklara.
Nia Informa,Kona ba prazu too loron hira, Governante nee la hatan prazu investigasaun ne’e too bainhira.
Nia dehan, laos rekrutamentu nee la susesu, maibe Governu hakarak rekrutamentu vaga PNTL labele interven beibeik husi polítiku tanba mak Governu entrega tomak rekrutamentu nee ba PNTL.
“Ita lakohi polítiku mak kahur nia liman ba nafatin, tanba nee mak ita fo ba neeba, prontu iha prosedimentu balun laloos ita kurize hadia para ita fo nafatin ba fatin ba iha sira para aban bain rua husik sira iha rekrutamentu, lalika tama fali ita tau fali kanuri tohar iha fali laran neeba nee mak ita hakarak koko falla ita hadia”, nia hatutan.
Tanba nee mak imi haree Governu perde tempu atu hadia buat sira nee tanba nee mak koko ida nee.
“Maibe ita koko seidauk diak husik lai ita hadia, hadia neneik husik ba ita hadia buat hotu, ita espera katak tinan rua mai sira (PNTL) bele kaer mesak fali. Maibe ita mos tenke hanorin sira fo ona mai ne’e imi halo di’ak ba hodi hetan imi nia membru neebe diak para neebe iha meritu para lori serbisu PNTL ba oin ida-nee mak ita hakarak”, nia afirma.
(jen)
